الوحااااااام

شحااااااااااالكن خوااااااتي ؟؟؟
عسااااااكن بخييير

يالله كل وحده تقول لنا في كل حمال كيف كان وحامها و شو يابت ….
انعرف انا كل وحاااام غير و ما يخصه بنت أو ولد بس نبا نعرف
يمكن يطلع في شي مشترك بين كمن وحده في وحاام الولد أو البنت

يعني في أي شهر بدا الوحام؟؟

شو اللي كنتي تحبين تكلينه " موالح ،، حوامض ،، سويت ،، فواكه " ؟؟

متى بديتي تحسين بحركة البيبي في الشهر الرابع أو الخامس؟؟

و شو يبتي بنت و لا ولد؟؟

لـــــرفع

مشكوره أختي قصايد الهاملي على الرفع

ممم … الحمد الله انا ماجربت الوحااام بعدني بس حامل في الشهر 3 بعده الوحام ماياااا صوووبي

هلا اختي ..

موضوعج حلو ..

انا في حمالي الأول .. ماعرفت شي اسمه وحام .. كاحد يسألني .. شو تبين؟ شو تحبين؟ و انا موب واايد مستوعبه الوضع..بس واااااااااااااااااااايد كلت أسكرييم =) .. ويبت بنووته الله يحفظها..

في حمالي هذا ..
ذبحنييييي الوحاام..وايد وايد تعبت..كنت ضعيييفه و فيه انيميا..للأسف جسمي مايمتص الحديد..ما رجعت..بس لووووووعه..لو أرجع برتااح..و ماكنت أقدر أتحرك واايد ولا أطلع..من الشبريه لين الكرسي.. ومن الكرسي لين الشبريه..كسل و خمووول..الحمدالله عدت هذييج الفتره..ممممم أظن اني اتوحمت على روايح البتروول و الديتول و هالسوالف..يوم كنت أمر الشيشيه مع ريلي أفتح الدريشه و استمتع هههه .. و الديتول شفت اني واايد واايد استخدمه .. في كل شي .. ريييييحته اتجنن!! ههههه وم ناحية الأكل .. وايد كلت جزر .. =)
و ان شاء الله باقلي شهر و بربي .. ادعوولي لني في غربه =(
و الله يسهل ع الحوامل كلهن يارب..

الله يسهل عليج الغلا….

انا من حملت و اللوعة دابحتني…

لليوم ارجع … و لازم اخذ حبوب اللوعة مالي و الا ما استحمل …قمت ارجع دم من كثر ما رجعت…الله لا يراويكم.

كرهت العطور العربية و المخلطات….
ما اشتهي الاكل..

و الدكتورة قالت اني حامل في بنت..

هيه صح .

احب الكاكاو…و اترس حليبي شكر….خخخخخخ