اشحالكن خواتي؟؟
هممممم بخبركن سالفتيه والحمدلله ع كل حال,,
انا عرست وخذت ولد عمتيه ملجت ورمسته وكانت علاقتنا وااايد حلوووه والحمدلله عقب عرست وفاول الشهور كنا متفاهمين وماعندنا اي مشكله بس عقب تقريبا 6 شهور طلعن مشاكل
شويه معلومات :
ريلي عنده 5 خوات(3 منهن معرسات ووحده منهن حرمه اخويه وعلاقتي وياها وايد اوك و2 صغار فالمدارس )
وعنده 6 اخوان(2 منهم معرسين واحد بيت بروحه والثاني ويانا والباقين بعدهم ماعرسوو يعني قوم 23 وتحت)
المهم اخوان ريلي ماخذين خوات>>وكانن ف يوم من الايام ربايعيه فالمدارس
وهن عادي عندهن مايتحجبن وتيلس عدال اي واحد من الشباب عادي وتسولف عادي لدرجه>>وحده منهن قالت حق ريلي ليش ماتصلي فيك الدوره!! والثانيه كان ريلي واقف ع الباب وحاط ايده عشان تخطف حضرتها خطفت من تحت ايدده وهو ماشافها الا خاطفه يعني من وراه يت وااايد حركاااات وحتى انهن يرضعن جدامهم عادي يسهرن وياهم عادي!!!!
وانا كل ماشوف شي انصدم ليش ريايلهن مايرمسون شو ها؟؟
وطبعا ريلي من كثر ماشاف تعقد >>كل مايشوف شي يقول ف خاطره مابخلي حرمتيه جي
ف كان وااايد متشدد ع حجابي لو طلعت قصتيه وانا ماحسيت بيزعل وبيعصب وسالفه وكان ممنوع ايلس عدال اي حد ومره حليلي اخوه الصغير كان بيروح دوره ويا سلم عليه بالخشم زعل عليه اذكر اسبوع تقريبا المهم جي يعني,,
والمكياج ممنوع الكنادير الويل ممنوع حتى فاليلسه يحاسبني>>حتى يتني حاله من ايلس اتم اطالعه اتريا نظره انه عدلي شي الشي الفلاني فيج استوا عندي خوووف منه داايما اجيك ع حجابي وجي
نكمل السالفه شو المشاكل الي صارت مره من المررات كنا نتعشا وحرمه اخوه الي بروحها بيت ويانا وريلي متعشي ويالس ورايه ومجابلنها ويطالع التلفزيون عقب مانشت عمتيه قامت تقول حق اخته تحركي شوي يمين فلان يطالعني ماعرف اكل وتضحك وحركات لفيت اشوف ريلي يطالع tv المهم كلت وهي ع حركاتها عقب نشيت وعادي المهم فليل دقتلي اونه ريلج عندج قومي عنه
انتي زعلتي انا مش قصدي انا مابا اسوي مشاااكل امبينكم ومن هالكلام قلتلها لا عادي
عقبه بيومين دقت اخته الكبيره حق ريلي تقوله فلان ترا فلانه حرمه اخوك تقول عنك كلام الي هو والله فلان يطالعني وفلان ايني الفله وريلي محد وكلام ماينقال الله ياخذ عدوج اخو ريلج شو هالرمسه!؟
وطبعا ريلي خبرني انا فلانه جي ترمس وترا ناويه تسوي مشكله قمنا انا وريلي نعطيها طاف واذا يووو نطلع وجي >>لو كنا بنخبر ريلها هي مسيطره عليه وااايد ف بتجلب السالفه علينا ولو بنخبرعمي او عمتيه شواااب ومابيتحملون هالرمسه ونحن مانبا مشاكل قلنا طاف وخلاص
عقبها بفتره ماعرف شو قالت حق خواته وكيف خلتهن صديقاتها واستون مايدانني>>مع العلم انهن من قبل ما كانت علاقتهن اوووك كان وايد مشاكل امبينهن
بس اخته الكبيره الي ما كانت وياهن>>يعني الي دقتله تخبره وحرمه اخويه وخواته الصغار كلهن تغيرن
يعني يرمسني من طرف خشمهن ومايقومن يسلمن اسلم عليهن وهن يالسات وحتى حرمه اخويه تغيرت ع خواتي فالبيت وسوت مشاكل شكثرهن ليش عشان شو ماعرف
وكل مرهمايسلمن او ماشابه ريلي كان يقولي الي ماتنش تسلم لا تسلمين عليها بس انا كنت اقوله خلنا نحن احسن وجي الين اقتنعت بكلامه ف مره من المرات كانت ملجه اخوهم وانا كنت مسلمه عليهن كلهن بس وحده الي دوم ماتنش تسلم عليه هب مسلمه عليها دشيت قلت السلام عليكم ومانشت عطيتها طاف وبلست بالباجر الخبر عند امايه بنتج وبنتج>>ودقت امايه الحمدلله ماهزبتني بس قالت شو امبينكن وجي وخبرتها وقالت هذيلا اكبر عنج ومن هالكلام نصحتني يعني
وحرمه اخويه سوت سالفه شطولها حق وحده من خواتي وراغتها من صالتها وحق اختي الثانيه بعد سوتلها مشكله وختيه مع انها صغيره بس ماسسكتتلها فالنهايه حرمه اخويه قالتلها تبين ضرب وبخلي اخوج يضربج وهالكلام جدامي وانا اهدي بس ماشي حتى اختي صاحت من الضيجه والقهر ماشي جان اقولها تخبر ابويه المهم رمسها ابويه هي وريلها ووقفهم عند حدهم ومن عقب هالسالفه استوت علاقتنا فيها سطحيه جدا سلام وبس الين يت هي بروحها ترمسنا اونه انا شو سويت وانتن مثل خواتي وجي وردت العلاقه بس طبعن هب شرات قبل ,,
المهم اخته الي ماسلمت عليها ردت لي الحركه وماطاعت تسلم عليه يوم العيد انا واقفه اترياها تطلع جان تقول هب لازم والله تميت اضحك بس صدق انقهرت
عقب ها كله استويت ما اشوفهن امررره يوم ايين اروح بيتنا وحريم اخوانه الي عندنا فالبيت كنت عاطتنها طاف لانها نقالة حجي كل شي يصير تخبر ختها والثانيه من ادري انها موجوده ما انزل او اذا يت واننا تحت انش ولا اسلم
عقب فتره ريلي كان مسافر يتني حرمه اخوه الي اهنيه فالبيت ويانا تقولي انتي رامسه عني >>هي ايام المدارس كانت عندها علاقه ويا واحد وانا اعرف فهي تسالني انتي الي رامسه جان اقولها انا مايخصني فيج اللله يستر عليج
جان تقول والله حد رامس عليه انه انا عندي ربيع اسمه فلان الفلانيوريلي درا ومن هالكلام قلتلها مش انا ومالي خص جان تقولي والله فلانه داقتلي >اخته الي ماسلمت عليه اونه تسال عنج اذا انتي عندج علاقات من قبل وتراها تبا تخبر ريلج>>انا ايام الاعداديه تعرفت ع واحد مكالمات بس وكنت مهدده بشي يعني غصب مش بكيفي وكنت ياهل وهي تعرف هالسالفه المهم وقالت انا خبرتها وماعرف شووو وهي خبرت ريلي الي هو اخو ريلي انا وهو محتشر ويبا يخبر ابوهواونه بيطلقونا وكلالالالام
وانا اطالعها جازتنها واباها تطلع عقب جلبت الموجه وقامت ترمس عن ريلي والله كلام ماينقال وانه كان يسهر عندي بروحه والريال يوم يكون يبا هالشي(الرقاد) مايعرف خته ولا حرمه اخوه ولا بشكاره ولاغيره بس يبا يرتاح ويخلص اهنيه انا انصدمت والله ماعرفت شو تقول هاي تستغفر الله اذكر اني تبلمت وماعرفت ارد بس عقب نشيت قلتلها بتسبح يلا طلعي
واذكر يومها اني رحت بيت اهليه ومن التفكير والشكوووك والتهووويس صحت وماعرفت ارمس ريلي ومااكنت حابه اضيجبه واقوله هالكلام
المهم هي راحت وقالت حق ريلها هاي اختك فلانه الي رامسه عني ويروح هو ويدقلها ويهزبها ويسبها مع انها اكبر عنه وهي الي مربتنه واخته حليلها ماتعرف شي عن االسالفه ومن القهر والاحساس بالظلم حلفت لو شافتها تضربها ودقت حق ريلي وخبرته ويوم رمسني خبرني قالي تدرين انه جي وجي صاير جان اخبره بس الكلام الي عنه ماقلته المهم عصب وعقب قالي ماعليج منهن وع فكره انا مخبره ريلي من قبل انا انا مرمسه واحد
يوم ردو من السفر وصل الخبر الين عمي جان يقولهم انا فلانه لو تقولون الي تقولونه عنها هي وريلها ماصدق فيهم يقصدنا>>فديته والله حسسني انه ورايه حد وقفهم عند حدهم
المهم انا خبرت ريلي عن كل الكلام الي انقال واني انا واثقه فيه ومن هالكلام وعصب وجي بس هدا عقب
عقب باسبوع يت اخته ولقتها تصدقون ضربتها وتفلت ف ويها ودقت هااييج حق ريلها ويا طاير يبا يضرب اخته تتخيلون بس اخوه الصغير ماخلاه وطبعا السب والالفاظ اووووه ماي جااااااد,,
المهم عقب هاي السالفه الاوضاااع هدت وخلص الحجي يعني عقب الضرب والسب كل وحده عرفت حدودها
وكل ماكنا نرمس انا وريلي فالسالفه كان يقولي هذيلا كلهن بيردن وبتشوفين
وصدق هالشي صار اخته طرشتلي حرمه اخويه عشان تخبرني انها هي ماسالت عني وانه ها كله كلام وهي تشوفني ختها ومن هالكلام
وبالباجر يني خواته الصغار سامحينا نحن مانعرف نحن ليش مانرمسج
وردت الاوضاع طبيعيه تقريبا
بس بخبركن انا شو كنت اسوي كنت اقرا البقره بنيه ان الله يحفظلي ريلي ويفكني من شرهن واقرا الاذكار والحمدلله
حبيت اقولكن قصتيه عشان تعرفون ان الواحد يوم يكون مظلوم فالنهايه اللله يجبر بخاطره
بس مشكلتيه انه مرات يرد حجيهن ف مخي وارد اشك ف ريلي>>الله يخوز هالشي عني
عليج بنفسج وريلج .. وترى اللي ترمس عنج أو عن ريلج وتختلق المشاكل فأعرفي انها تغار منج
وقلبها مب طيب .. لأنه لو قلبها نظيف من الداخل .. بتخاف الله في كل كلمة تقولها
اللي عليج يالغالية إنج تعاملين الناس بأخلاقج مب بأخلاقهم
تسوين اللي تشوفينه صح .. علاقتج معاهك خليها عادية
ضحكي وسولفي معاهم بس لا اااا تثقين منهم
وأهم شي تبعدين عنج وساسوس الشيطان .. او تذكرين كلامهم السيء
ربي يحفظلج ريلج ويسعدكم ^_^
ورددي دايماً ( واثق الخطى يمشي ملكاً .. ويا جبل ما يهزك ريح )
صدقج والله ومشكوره ع المرور فديتج
الزهراء >>الله يعين الجميع ومشكوره ع المرور
سبحان الله وبحمده سبحان الله العظيم
سبحان الله وبحمده
