انا ما اشرب الحديد و الكالسيوم شو اسوي؟

السلام عليكم حوامل،،،

انا حامل بس ماقدر اشرب الحبوب لا حديد ولا كالسيوم لانه ع طول ارجع..
و جي ما استفيد لا من الاكل و لا من الحبوب..

هل في ضرر للجنين اذا ما خذت ولا؟ علما ب اني فالشهور الوسطى من الحمل…

لا تقولون احسن خذسها و غصبي عمرج لاني صدق ماقدر و تعبت منها..

احاول اشرب حليب بدل الكالسيوم .. و الحديد موجود فالسمج و الدياي و الخس،،،

اللي اسويه صح ولا

و عليج السلام
مبروك اختي و الله يتمم لج ع ألف خير
و نصيحتي اسألي الدكتورة اذا شي إبر او تحاميل لها نفس المفعول و تعوض الحبوب و موفقة

حبوب الكالسيوم و الحديد و هالسوالف عبارة عن مكملات غذائية ياخذونها الي غالبا اكلهم يفتقر لهالعناصر بس بما انج تاكلين اكل صحي يحتوي على هالعناصر بشكل كافي ما اتصور بيكون في ضرر … بالعكس لو تستمرين على هالحبوب الي تسببلج مشاكل وقيء ممكن يستوي عندج نقص او جفاف

اقري هذا الموضوع ممكن يفيدج
https://forum.uaewomen.net/showthread.php?t=1160953

مشكورات حبايبي

عوضي من خلال اكلج مافي ضرر بس لازم تاكلين اشيآء غنية بالكالسيوم والحديد لان الجنين يمص من عظامج اذا ماتوافر له وبكذا تتعبين

انا فعيالي كلهم ماكنت اخذها من الوحام وكنت ارجعهم على طول والحمدلله ع العافيه حاولي فالزكتوره تعطيج انواع خفيفه يمكن تناسبج انا من فتره قريبه بديت اشربهم فهالحمل بس عقب ماجربت كم نوع

حالتي نفسج
بس اكل اكلات فيها حديد وكالسيوم
بس مادري ليش احس اني مقصره بعد
الله يعينا من هالحبوب