اشحالكن خواااتي ..
اليوم المود عندي تووووووووووووووووووب ^-^
ومستااااااااااانسه حدي ..
اول شي اشكر كل بنيه ردت عليه فالموضوع الاول ان كان انتقاد او نصيحه او راي .. ويعلم الله ان كلامكم كله استفدت منه وريحني واااااااااايد ..
والسموحه ان مارديت على اخر الردود فالموضوع لأن هالاسبوع استوت كم شغله والحمدلله عدن على خيييييير ^^
بدخل بالموضوع .. وبخبركن شو استوى معايه وشو سويت ..
يوم الاحد سرت لادارة الكليه مثل ماوعدتكن ورمست المسؤوله عن هالموضوع ويلست معايه وتمت تسألني عنهن وعن واساميهن وتصرفاتهن وشو سون عسب ايي اشتكي عليهن .. بعد ماخلصنا طبعا تميت فتره طويييييله عندها عقب قالت ان هالبنات معروفات فالكليه وملفهن اسوود وصاحبات مشاكل ووصلها قبل اكثر عن شكوى انهن مايضايجني بس انا .. في جم بنيه سارن عندها واشتكن بس قالت انها بتحط حل لهالمشكله ..
يمعتني انا والبنات اللي قبل اشتكن عليهن .. ويلسنا وشفنا كل وحده والمسجات اللي توصلها واتناقشنا فالموضوع .. وقلنا ان هالموضوع لو وصل لاهلن او وصل لاهالينا بيكبر قالت اليوم لا تعطون حد سالفه وسيرن كلاساتكن وباجر نتفاهم ..
اليوم الثاني الاثنين .. يمعتنا مره ثانيه وكان عندها تقريبا 3 حريم وكلهن مسؤولات ..
وزقرن البنات من كلاساتهن (البويات ) .. ويابوهن للاداره وتمن يهزبنهن على تصرفاتهن فالكليه وانهن كتبن قبل تعهد انهن مايضايجن حد وماشي فايده .. ههههههههههه وربي لو تشوفن اشكالهن ماتقولن ان هذيلا اللي مستقويات فالكليه ولاعبين لعبتهن هههههههه .. تخيلن 2 تمن يصيحن لأن هددوهن بالطرد واذا انطردن مابسيرن لبيوتهن وبيزقرون التحريات يتصرفن وياهن ..
و3 تمن ساكتاااااااااااات ولا وحده انطقت بشي الا نظرات حقد علي وع البنات اللي ويايه .. وفي وحده بعد بس كانت غايبه بس اليوم اللي وراه يابوها ورمسوها بنفس الموضوع ..
المهم .. البنات وعدونا انهن مايجربن صوبنا ولا مسجاااااااات ولا شيييييي .. وكتبوهن اااااااخر تعهد وعقب خبروهن جدامناااااااااا ياويلكن ان جربتن صوبهن او ضايجتن حد .. هنيه مابنتعامل معاكن بالطيب بنتصل بالشرطه وبخبر اهاليكن واخليهم يأدبونكن من اول ويديد ..
ههههههههههههههههههه والله اني ارتحت نفسيا عقب ماخبرت الاداره تحريتهم بسوولي طاف .. ماتوقعت انهم عندهم فكره عن الموضوع من زمان بس كانوا بجمعون اكثر عدد من البنات اللي يشتكن عسب يتصرفن وياهن..
وتقريبا البنات اللي كانن معايه 3 ..
بس الحمدلله افتكيت هالاسبوع من حشرتهن ههههههههه .. شافوني امس واليوم ومحد جرب صوبي .. والله اني ارتححححححححححت من صدعتهن ..
والله ماكنت ناويه اسوي مشاكل لحد بس ربي يهديهن ويهدي اليميع .. هن يابن هالشي لنفسهن ..
والسموحه ان ضايجت حد فهالموضوع .. ادري انه تااااااااافه والكل مستغرب بس صدقوني كان هم وانزااااااااااااااااااااااح ..
ربي يحفظكن ^^
ومدام انه ملفهن اسود ،المفروووووض يطردوهم من زمان
ولو كل وحدة ما عطتهم ويه واشتكوا عليهم جان من زمان
انقرضت هالظاهرة ،بس شو نقول الله لمستعان
والله السالفة واصلة مدارس البنات
بنتي صف سادس تقول عندهم بنت اسمها حمدة ،تخبرهم
ينادونها حمد،هههههههه،شر البلية ما يضحك
وبنت بصف بنتي معجبة فيهاهههههههه
بلاووووووووي والله
هذيلا شو دراهم بهالسوالف ،الله يعينا عليهم بس
الف الف ميروك الحمدالله هم وانزاح وربي ما يطيع عبادة
إن بعد العسر يسرا )الحمدالله عيشي حياتج وردي لربعج ووخلج معاهم
استانست من ها لخبر ودعي لهم دايم الله يهديهم يارب
يزااااااااااااااجهم .. لازم يتأدبون ..
و الحمد لله ان الكليه سوت شي و تحركوا المسؤولين ..
تستاهلين الغاليه كل خير ..
و ربي يسعدج و يبعد عنج المشاكل
وتيك كير مره 2
مبرووكـ
