بموت من الملل

بنات احس بملل فضيع,, ماعرف شسوي ,,قبل كنت اعرف وحدة وكان اغلب وقتي معاها ,, لكن عقب السالفة الي ستوت بينا تركتها ,, او بالاحرى هي تركتني ,, والحين احس بملل ,, ,, والي يزيد الطين بله ,, انه محد فبيتنا ,, امي مسافره ,, واخوي اغلب الوقت برا ,, ,, وابويه كل وقته فالدواام احس انه حالتي صعبة ,, اممم شوالحل,,, تراني حفظت المنتدى من كثر مامجابلتنه ,, ابى شي اسويه .. بشو تنصحوني ..؟ لاتقولون لي سيري اطبخي ,, لانه هالشي الوحيد الي اسويه فاليوم ,, وامم طلعه ماروم اظهر ,, ابى شي ثاني,, بشو تنصحوني..؟ ,, عادتن احب اتم اقرا كتب ,, بس هالفترة مليت ,, ابى شي جديد ,, خبروني انتو شوتسون وقت الملل؟

اختي انتي اللي ساده الباب بويهج
خلي خوانج يظهرونج , تره يلست البيت اتعب, قوليلهم ابي اظهر مع ربيعاتي او سيري المولات والنوااادي غيري جووو

ليش ما تتعلمين تسوين استايلات حق المنتديات وتبيعينهم انا اصمم استايلات اغلب اوقاتي نزلي قاعدة بيانات على كمبيوترج ونزلي منتدى وصممي والله بتحسين بمتعه واذا ربيعاتج عندهم مدونة او حد من اهلج خلهم يسوون لج دعايه انا شراتج ما عندي حد وكله يالسه في البيت واذا ظهرت من البيت احس بضيجه لاني خلاص تعودت بيلسة البيت واحس راحتي في بيتنا
وهذا تصميم سويته حق منتدى شو رايج؟؟؟ ^_^ بعدني ما خلصته ويباله تعديل

ربي يحفظج

اذكري ربج أو اقري قرءان

ماعندج اهل؟؟ بنات خالتج بنات عمتاج يلسي وياهم سولفي واضحكي واذا يخلونج اتباتين عندهم غيري جوو مثلا عندج اهل من مب نفس المنطقة الي انتوا فيها زوريهم وزيارة الارحام واجب والا يلسي ويا يدتج يلسة العيايز حلوة *_*

إممممم وقت الفراغ والملل
أنا شراتج ماأطلع وخاطري بالطلعه بس أخ يالقهر
آخر فتره صرت أشوف أفلام .. أقعد ع المنتدي.. أتعلم ع برامج يديده وأعلم ربيعاتي ف الدوام الأشياء اللي أعرفها .. أعمال يدوية.. أحضر لمشروع المستقبل
طبعا أرتب غرفتي
واذا تبين نصيحتى أختى اجازة الصيف اذا بعدج طالبه ماتقضينها ف البيت دوري لج تدريب صيفي .. صراحه متعب بس شي أحسن من شي .. أتمني لو فتج
والسموحه