بنااااااااااااات اليمن السعيد اسلته بلييييز

واي اكله يحطونه فصحن الي شكل حجر يسمونه في اليمن حرضي ويقدمون فيه سلته وفي اكلت بعد
كثييييره
ابو زوجي حشرني يبقي هاي الاكلاااات
ومشكورات

المكونات..

بصل مفروم
طماط مفروم
كزبره مفرومه
ثوم مفرومه
مرقه ماجي (كل وحده اذوبينها بـ كوب ماي )
لحمه مفرومه فرييييش
بيض
حلبه بودره
فلفل اخضر
رشه ملح وممكن تستغنين عنه يعني حسب الذوق
رشه كمون
زيت طبخ

الطريقه ..
1/ حطي الحرضه عالنار لين تحتر وعقب قصري عالنار وحطي شوي زيت وعقب البصل لين يشقر عقب ضيفي اللحم المفروم وتمي قلبيهاا لين ينشف الماي وعقب حطي الطمام وشويييييه ثوم وشويييييية كزبره ورشه كمون وقلبيها عقب ضفيلها مرقه الماجي .. وخليها تستوي

2/ حطي ملعقتين حلبه بودره بزبديه وضيفيلها ماي لين تتغطى ..
وكل ربع ساعه غيري الماي .. لمده ثلاث ساعات او اكثر بس مب اقل .. عسب يروح طعم المرار الي فيهاا.. وفالنهايه خذيها وحطيها فالخلاط وتمي اخلطيها 5 دقائق او اكثر وبتلاحضين ان حجمها كبر ( في ناس يخلطونها بيدهم تطلع احلى بس انا ماعرف ) وطريقه الخلاط اسهل واسرع وعقب ضيفيلها كزبره كميه وفيره وثوم واذا تحبون الحار فلفل اخضر واخلطيهن بملعقه
بهاا الفتره بتكون استوت الحمه

3/ عقب ماتستوي اللحمه بتكون شبه ناشفه ضيفيلها الحلبه الي خلطيهاا وبيضتين عيون نيااااات واطفي النار ..بينطبخ البيض بالحرارة .. وممكن تستغنين عن البيض .. ومن غير ماتحركين ..
خليها شوي وقدميها بتكون بتغلي لان الحجر مابيبرد بسهوله

وبالعافيه هاي طريقتي اتمنى تعيبج وتراى وااااااااااايد سهله
والمقادير انتي حديها على حسب كميه الاشخاص

um_shahd
مشكوووووره الغاليه كنت اعرف ان بنات المنتدى ما يقصرون
وطريتك وايد حلوه ان شاءالله جربها قرييييييييييييييييييييييييييييب
سلمتي والله يكثر من امثالك