هلا حبيباتي اناانشالله رايحه ماليزيا اول الشهر الياي مع بنتي فديتها عمرها سنه ونص بغيت اسأل اودي معاي بامبرز وحليب بروجرس ولا متوفر هناك وهل عندهم في السوبر ماركتات اكل البيبي اللي هووو روب وكستر جاهز مثلنا وشنو احسن وارقى سوبر ماركت عندهم ؟ احنا بنسكن في الويستن فيعني شوو اقرب سوبر ماركت حلوو وراقي واللي عندها خبره في شقق الفندقيه في الويستن بغيت اسأل الشقه ام غرفه وصاله فيها بس الله يعزكم حمام واحد؟؟ سوري عالاسئله الكثيره
هلا غلاي فندق ويستن بيكوون في منطقة بوكيت بنتانق اللي هي شارع العرب وثاني شي الفندق صراااحه مستوااه وايد راقي وعن حبيبتي اكلهم غلاي ماعندهم هالخرابيط كستر ماكستر ورووب ماشي بس بتحصلين في المطاعم العربيه وثاني شي موقع الفندق مميز مابين المطاعم العربيه ومممممممممم وعندج فندق البرجايا تايم السكوير اهوا فندق ومركز تجاري بتحصلين عندهم في الطابق الارضي سوبر ماركت وايد كبيره بتحصلين فيها شغلات وممممممممممممممم اي استفسار انا حاضر وبعطيج ملخص عن ماليزا اذا حابه بس خبريني الاماكن اللي بتسيرينها
ورحله موفقه
ورحله موفقه
انصحج تشلين وياج حليب علبه يديده وكبيره + حفاظ .. لانه مره ما عندهم شرات اللي عندنا
والاكل اتوقع في هالعمر البيبي ياكل عادي .. يعني عنده ضريسات صح؟؟
إذا لا .. فخذي لج مطحنه صغيره شرات اللي في بيبي شوب + باكيت وخاشوقه واي شي تآكلونه اطحني لها فالمطحنه <<< عن تجربتي
حبيبتي انا مكانج ما اضمن
اخذي شلج معاج
اول وتالي بتخف عليج الشنط بالرجعه
اخذي شلج معاج
اول وتالي بتخف عليج الشنط بالرجعه
انا لما اروح حق اهلي اخذ كل شي معاي
رحله موفقه
مرحبا الغاليه في مجابل فندق الوستن مول اسمه البافيليون وفي تحت في الطابق الأرضي سوبرماركت راقي وايد في كل شي تريدنه اسمه ماركاتوه وبالنسه حق سويت الوستن وايد حلو وفخم افخم عن الماروت بس الميزه الحلوه في فندق الماريوت انه تحت في 20 مطعم في مطعم طربوش وبعد مجموعة مطاعم التايلنديه والهنديه .وبعد في عدال الماريوت مول اسمه kl بلازا وبعد تمشين شوي وتحصلين لوت تن مول وبعد تقطعين الشارع تحصلين مول اسمه بيبي بلازا .ومعلومه انه منطقه الفندق مكانه احلا الأماكن هو شارع بكت بنتانغ ولا طوفين ع عمرج سيرة كلسس الي هو تون تاور وايد حلوه حديقته وفنانه وبعد عندهم حديقة الطيور والفراشات والزهور روعه الله يوفقج انشاء الله
مشكورين حبايبي على المعلومات بس بغيت اعرف الجو وايد رطب وحاار عندهم مثل الرطوبه اللي تجينا في الصيف اللي تخنق
هلا حبيبتي متوفر كل شئ هناك لا تتعبي حالك
ان شاء الله تستانسو…
