عساااكن ابخييير وسهااالة
عندي مشكلة وااااايد عووودة واباكن تساعدوني فيها
واعرف انكن مااابتقصرن
بيتي اخترب بسبة وحدة المفروض انها كانت ربيعتي
ريلها صديق ريلي وريلها طلب من ريلي انه اتعرف عليها لانها وحيدة واهلها مب اهني*
المهم تعرفنا عبعض واول يوم التقينا قااامت تشتكي من زوجة زوجها الاولية ومن مشااكل بيتها وجي*
وقتها عرفت انها وحدة ما عندها سوالف الا عن المشاكل وجي … وكلما اتصلت فيني اتقول لي ريلج وريلج ليش ما يسوي لج والمطوع ما يسوي جي وتحرضني وااااايد ضد زوجي وانا للاسف كنت يوم اتضايق من شي ولا عندي مشكلة اشكي لها همي ومشاكل
الحينة المشكلة ويييين ؟؟
سلمكن الله ريلها استوت له مشكلة مادية ودش السجن
فطويلة العمر شو سوت قامت طلعت رقم ريلي واتصلت له وقالت له اباك اتساعدني وريلي مسجون وما عندنا بيزات ومن هالكلام
انا ريلي يا وخبرني وقال لي ان في وحدة ربيعتج امكلمتني بصراحة انا انصدمت كيف ربيعتي اتكلمه
عقب لما شرح لي الوضع قلت خلاص مب مشكلة
المهم طويلة العمر خذت شو تبا وساعدهم ريلي ماقصر بس ما وقفت السالفة اهني
الريال قام كل يوم والثاني من كلمته هاييج يقول لي انتي كلمتي منو اليوم ؟ انا مقصر وياج ؟ ليش تشتكين عند الناس علي انا ما اثق فيج وكلام وااااايد والريال واااايد تغير علي*
المهم عرفت انها بعدها اتكلمه واتخيلو اتقول له كل الاسرار اللي انا خبرتها
وبعد انا يوم تتصل لي اتقول لي اشياء تحصل فبيتي اونه من باب النصيحة بس هي ما تعرف هالاشياء الا اذا خبرها حد فعرفت انه هو مخبرنها
المهم انا من تاكدت من الخبر اتصلت فيها وقلت لها فلانة جيف حالج وجي وسالتها قلت لها هل انا اذيتج فشي قالت لاا قلت لها انزين ليش تاذيني جان تغير نبرة صوتها واتقول لي ليش تتهميني ( انتبهوا انا اصلا بعدني ما قلت لها شالسالفة )
المهم قلت لها لو في شي انا قاليلة لج ليش خبرتي ريلي قالت انتي اصلا واااايد اشياء امخبرتني عن شو تتكلمين بالضبط
قلت لها انتي كلمتي ريلي وما قلت شي وبدال ما اتكلميني انا او ريلج يكلم الريال قمتي كلمتي ريلي ولا بعد اتسولفون ويا بعض عني قلت لها هاي وقاحة بصراحة
جان اتقول لي بتصل في ريلج وبخبره*
قلت لها شولج خص فريلي انا وياج بيني وبينج مشكلة شو دخل الرياييل فالسالفة
جان اتقول لي انتي وحدة مااعندج ثقة فنفسج وخايفة من ريلج وبندت علي التلفون
هيه واتقوللي مافيج اخلاق وترفعين صوتج علي ومافيج ادب
المهههههم طلعتني انا الغلطاااااانة
عقب ما بندت طرشت مسج اتقول لي انا خبرت ريلي وهو بيتفاهم مع ريلج وما ابغيج اتكلميني ولا تتصلين فيني مرة ثانية وانا رديت عليها قلت لها صدق انج قليلة ادب انا شو ابا فيج اكلمج ليش
وقلت لها اذا لم تستحي فاصنع مااااشئت
المهمم بعدها بشوي والا ريلي امطرش لي مسج طووول وعرض ياربي من قريته وقف قلبي( ريلها طرش مسج حق ريلي اونه شوف حرمتك شو اتقول عنك ). شفتوا النذالة
واااايد خبروه اشياء مب صحيحة وزااادوا فالرمسة وااايد والفوا واايد
المهم ريلي امصدقنهم وقال انا مالي يلسة وياج وثاني يوم سافر خارج الدولة وانا مب عارفة وين سار واتصل له ما يرد وويوم اساله انت وين يقول لي مب شغلج وانتي وحدة جذابة والله ينتقم منج وواااااايد اشياااء
المهم يا بنات انا في حالة صدمة قوووووية من اللي ما تتسمى ومن ريلي وقمت ماا اثق في حد
وريلي ناوي يطلقني ومب عارفة شسوي ولا وين اسييير
وما اقدر اخبر امي لانها مب اهني وبضايقها عالفاضي والوالد متوفي الله يرحمه
خبرت اخوي لامني قال انتي الغلطااانة انج اتخبرينها
والمشكلة اني انا قلت حق ريلي انا ما خبرتها ولا شي وهو متاكد لانه في اشياء محد يعرفها وهم نقلوها حقه بس والله انا ممكن كنت قايلة لها امور عادية وهم أولوها وألفوها من عندهم وريلي يصدق
شو تنصحووني الله يخلييييكم ولا تنسون تدعووون لي ان الله ينصرني عليهم
وسؤال وايد امحيرني ليش هالحرمة جي سوت فيني ؟؟؟؟؟؟
شو الهدف اللي تبا توصل له ؟؟؟
وااااايد منصدمة منها 
الله المستعان وسااامحوني عالاطالة
ربي اني مغلووووبة فانتصر. * * *
نسيت اقول انه ريلي ناوي يرجع من السفر ويواجهني وياها
تعباانة يا بنات الله يعطيكم الجنة ساعدوني بحلول وافكار
الله المستعان .. حبيبتي انتي عرفتي غلطتج وانج طلعتي اسراار بيتج لوحده مب قد الثقه وماا ابااا الومج أكثر
الحينه الصدمه في ريلج كيف بكل بسااطه صدق الغريبه وأنتي حرمته وأم عياله ماا يثق فيج ؟!!!!
الصرااحه ريلج غلطاان بعد لانه فااتح المجاال للغرب يتدخلون بحيااته الزوجيه ويسمع لهم
لااازم تيلسين معااه يلسه تفااهم ومصاارحه وتقوين الثقه امبينكم حبوبة
تعرفين ريلج وتعرفين اطبااعه وكيف تدخلين قلبه .. وماا عليج من حقدهم والله يرد كيدهم بنحورهم
عليج بالاستغفاار بنيه صلاااح الحاال واللجوء لرب العاالمين والله يعطيج كل خير وايسر امورج ياارب
ربي يكون في عونج اختي
ريلي يقول لي مالي علاقة فيج مصروفج بيوصلج وما ابا ارجع ولا خطوة للوراء وبيتج خربتيه
يااربي ما اعرف شسوي
ميتة من الصياااح
ماعليه اصبري وفوضي امرج لربي وادعي ان ربي يضعر الحق ترى حبل الكذب قصيير والحقيقه اكييد بتبين لاتخاافين لان واثق الخطوه يمشي ملكا وانتي ماغلطتي فلا تخاافين داامج انتي مظلووومه
الله يفرج همج بس ان شاالله تعدي على خيير
وهاذا درس لج عشااان تبعدي عن الاغراب والي ماتعرفينهم وماتطلعين اسرار بيتج لحد ولا تشكين لحد لان الشكوى لغير الله مذله
مشكووورة
