بنااات عندي سؤال عن التحويل لمستشفى الرحبة؟؟

مرحبااا ،، شحاالكم

ماعليه بدخل بالموضوع على طول ،، انا كنت اراجع بمستفى النور الجديم عند الدكتورة نضال وعقب قلت بربي بمستشفى الرحبة دام انه اقرب لبيتي ،، وسرت عندهم و وقالولي لازم تحويل من عيادة حكومية وسرت يبت من عيادة الشهامة وعقب سرت مستشفى الرحبة وشلوا عني الورقة وكان مكتوب فيها كل شي اني بربي نهاية شهر 2 ،، المهم قالوا بنشل الورقة وعطوني النسخة وقالوا بنحطلج الموعد وبنتصلج ،، كملت اسبوعين ومااتصلوا شو اسوي وانا من كم يوم كنت حاطه موضوع انه حركة البيبي خفيفة بس الحمدالله طلع طبيعي بس الدكتور هاي قالتلي عادي اتربين بنص شهر 2 يعني توقعي اي الم بييلج ولادة ،، اليوم اتصلت وقالولي انتي ماعندج ملف قلتلهم لا قالولي انزين اسمج مب موجود عندنا يعني الورقة بعدها ماوصلتلهم شو اسوي اكيد ضيعوها صح،، الحين وين تنصحوني اسير ابا اسير ارمسهم عند منو اسير؟؟

هلا حبوبه دام موعدج شهر 2 يعني ماباقي شيء لاحقي ع عمرج

اول شيء لو حسيتي عمرج تعبانه او حركة البيبي اقل عن 10 حركات على طول روحي الطواري مال الرحبه حتى لو ماعندج ملف بيدخلونج لأنج حاله طارئه

ثاني ردي سيري عيادة الشهامه وخبريهم انهم قالوا ان ملفج مو موجود وبسرعه بيخلصون لج الموضوع

والله يسهل عليج وعلي ترا انا بعد بربي ف الرحبه
والسموووحه فديتج

————–

اهم شي تاخذين بطافة المواعيد اقصد مراجعاتج سواء كانت في المستشفى او عيادة وتسيرين الرحبة

هذا اللي اعرفه

الله يسهل على الجميع

عند حالة الولادة يدخلونج على الطوارى …..ويفتحون لج ملف مافيه اي مشكلة…..واذا عندج اي ملاحظة تخبرينهم …وهم بيقومون بالواجب….ومن ناحيت العنايه ممتازين ومافيه كلام…
و سلامتج جدامج ان شاء الله……….

انا كنت اعاني نفسج بسالفة اني افتحح الملف عندهم

لين ما سرت الطوارئ على اني تعبانة … وفتحولي ملف عندهم من غير تحويل

سووي نفسي … انا نفسج بربي آخر 2

يمكن نتلاقى :q

الله يسهل عليج وعلي وعلى الكل يا رب آمييييين