بنات شو اخباركم عساكم بخير وصحه وسلامه
انا بدخل في الموضوع على طول والليلها خبره تساعدني ابا نصيحتكم
من فتره تقريبا اسبوعين احس اني تعبانه وخامله ومب رايمه اقبض لي شغله في البيت واحس اني ابا انام واحس برجفه في جسمي من بعد ماشرب الشاي اللي تسويلي اياه الخدامه من قبل مااطلب الشاي تكون حاطتنه حتى اليوم قلتلها مابا شاي اطلعتني وروحت انا مابا احط في ذمتي وان بعض الظن اثم بس والله احس اني تعبانه واليوم اللي ماشرب في الشاي اكون عاديه ماتتخيلون شو يصير فيني
اكون عصبيه ومتوتره وافاتن على كل اللي في البيت طبعا اعيالي وريلي حتى ريلي
زعلان مني لاني هالاسبوع وايد كنت ازاعج عليه الله يخليكم بشو تشورون عليه
وهل العيادات الخارجيه اذا وديت لهم عينه من الشاي بيحللونها لي بسرعه والا في اجراءت ثانيه الله يوفقكم جميعا ويبعد عنكم كل شر ابا نصيحتم بسرعه
حبييبتي انصحج تسيرين تودين عينه من هالشاي مب بس لعيادة وحدة لكذا عيادة عسب تتأكدين ويرتاح بالج .. واذا هم ما عرفوا شي جربي تودين ل شيخ من المشايخ وان شاء الله يفيدونج .. صح نحن ما نحط بذمتنا شرات ما قلتي .. بس بعد انتي تعرفين عمرج عدل ما كنتي جيه ؟ واللي يستوي شي مب طبيعي … تأكدي وعقب ما تتأكدين اتخذي القرار الصح : ) … ولا تشربين الشاي بعد قبل ما تسيرين العيادة او عند شيخ من المشايخ ..
الله يهدي هالخدم مادري شو يستفيدون يوم يسوون جيييه !!!
انتي لا تحاتين ان شاء الله خير … والله يحفظج ويحفظ اهلج من كل شر
قولي حق ريلج السالفة سفري البشكارة وفكي عمرج
وبالتوفيج
وبعد هي كبيره في العمر ودوم تقول انا هني بس علشان اشتغل
لاحول ولاقوة الا بالله
اعتقد فيه مختبر في البلديه يسوون تحليل وبعدين اختي لا تستبعدين شي من البشاكير وانصحج لا تشربين شي من ايدها واشرفي على الاكل لين ماتتاكدين من شو في الشاي
الله يشافيج
