بنات المنازل

بنات المنازل (أدبي) ثانوية عامة

هل الدراسه صعبة ؟
الإمتحانات ؟
النتايج ؟

هلا اختي
أنا خلصت الثانويه العام اللي طاف و يبت نسبه 94.3% و الحمدلله
اول شيء عشان تحققين النسبه اللي تبينها بنصحج كمن نصيحه و ان شاء الله تستفيدين
1- لاازم تبدين تدرسين قبل الامتحانات بشهر ع الاقل و تحددين لكل ماده 3 او 4 ايام تدرسينها عدل و تشترين الملازم و تحلينها و مافي داعي انج تشترين ملخصات لاني احسها تلخبط معلوماتج و ما تكون كامله
2- دوري على وحده تكون طالبة ثانويه و تداوم في المدرسه و خذي كتبها عسب تنقلين عنها الاشياء المهمه و تخططين كتابج لان معلمات المدارس يركزون على الاشياء المهمه و إذا عطوها اوراق عمل و جيه صوريهم من عندها. أنا للاسف عطيت كتبي حق وحده ون الاهل هي بعد منازل وطلبتهم عني و الا كنت بعطيج اياهم
3- ايام الامتحانات حاولي بعد ما تراجعين و تحلين الملازم انج تنزلين نماذج الامتحانات التجريبيه من موقع وزارة التربيه و التعليم وااايد بتفيدج و ييبون منها وايد في الامتحان
بالنسبه للامتحانات التيرم الاول سهللللللللل و التيرم الثاني صعب شوي لان الكميه تكون اكبر اما التيرم الثالث يحذفون وايد دروس فيكون بعد سهل
بخصوص النتايج تطلعينهن من موقع الوزاره عن طريق رقم الجلوس
الله يوفقج حبيبتي و اتمنالج النجاح

وايد إستقدت منج
مشكوره حبيبتي
ماقصرتي
وبسوي كل شي قلتيه
بس بغيت أسألج عن إمتحان الإنجليزي
كيف يكون ؟

بالنسبه لامتحان الانجليزي لاازم تراجعين الكلمات اليديده اللي تكون اخر كل وحده و تنزلين مواضيع و طريقة كتابة الموضوع من موقع تعلم لاجل الامارات و تعلمي كيف تكتبين الجمل البسيطه و الجمل المركبه بتحصلين في الموقع وايد جمل وبس.

أنا بسجل هالفتره من دفعه 2024 انطردت بعد ثلاث سنين بسبب ظروف الطلاق بس يالله الله كريم ونتخرج وأنييب نسبه ترفع الرأس

الله يووووفقك حبيبتي

الله يووووفقك