انا متزوجة من سنة ونص وعندي بنت عمرها شهور ……اتزوجت عن حب الحمدلله
مااريد اطول عليكم بس ريلي انسان مستقيم الحمدلله يعني يصلي وما يطلع الا معاي يعني نادر جدا لما يتواعد مع ربعة ويحب اهلي ومش مقصر معاي ابدا ابدا والله يشهد بس….
قصتي ابتدت من سنة بصراحة انا اغار على ريلي وايد ويوم من الايام فاتحة اللاب توب اشوف صور حريم من النت يعني صور فاضحة بصراحة انقهرت وقلت ليش هو يحبني وماخذني عن حب ويروح يشوف صور ليش وعلى العلم اني ما اقصر معاة من لبس وكشخة وما تتصورون كيف انا مهتمة بعمري والحمدلله انا حلوة
طيب اتضاربنا وبعد ما حسيت انه ندم قال لي والله شيطان سامحتة
بعدها بكم شهر اكتشفت بموبايله نفس الشي يعني بعدة مستمر ….طبعا انقهرت وبصراحة طلبت الطلاق لاني حسيتة مش صادق يعني بعدة يطالع هالصور وحلف وسوى المستحيل وباس ريولي وتم يبكي تحت ريولي مثل الطفل
سامحته لاني كنت حامل وبصراحة خفت عالبيبي
والحين من اول امس حلمت حلم مزعج جدا جدا فالليل فقمت فجأة شفته فاتح بالتلفزيون قناة كلها فاشن وناس لابسين من غير هدوم وسبحان الله رحت فتحت الموبايل حصلت صورة طبعا بعد ما فتشت وبالزور حصلتها
طبعا قلبت الدنيا وطلبت الطلاق ودخلت امه وامة هزأته وبصراحة طلبت منه انه يجيب اخوي الكبير طبعا هو قال مستحيل اشوهه سمعتي جدام اخوج بس اانا قلت لا والف لا طبعا اخوي هدأ النفوس وقالي عادي احنا شباب والشيطان شاطر وهكذا وطبعا حلفلي وتم يصيح وقال الشيطان هو اللي يوسوس وانا احبج ومستحيل استغنى عنج واذا سبتيني بموت ومن هذا الكلام وتم تحت اريولي يترجاني
بصراحة انا وايد احبة بس هالمرة حسيت اني كرهته ومش طايقته ومش قادرة اتقبله لان الصور جدام عيني ومش قادرة انساها ومعكرة مزاجي وحياتي طبعا انا حاسة اني بجحيم وياريت تساعدوني ارجوووكم واريد نصايحكم وتجاربكم
والحين اول امس
بنات انا محتاجة نصايحكم
ملا داعي ادخلين الاهل
حاولي تنصيحينه وادعي له في صلاتج ربج يهدي ان شاءالله
السالفه ما تنحل بالطلااق لو كل وحده فكرت شراتج جان معظم الحريم اطلقوو
اصبري وادعيله في صلاتج
وما شاء الله تبارك الرحمن ريلج يبين إنه يحبج وما يستغنى عنج
الله يخليكم لبعض
لا تخسرينه عشان هالصور بالعكس حاولي تتفاهمين وياه وتعرفين شو السبب اللي يخليه يسوي جي وذكريه بإن هالشي حرام وقوليله إذا هو يشوف هالصور من وراج بأن الله يشوفه وإنه يمهل ولا يهمل
حاولي تكلمينه بهدوء ولا تخلين حد يدخل بينكم وتكبر المشكله
وألزمي الاستغفار وادعي ربج يهديه ويبعده عن هالصور خاصة بالثلث الأخير من الليل
لاتخسرين ريلج ولا تطلبين الطلاق خاصة عندكم بنوته فكري فيها
فديتج كل المشاكل بتنحل بإذنه تعالى
الله يهديه ويخليكم أسرة سعيدة
