اشحالكم خواتي الغاليات
عساكم بخير بها الصباح الطيب ….واللي ما يطيب الا بذكر الله
المهم السالفة بنتي …. بنتي طالعة غير عن اخوانها …اتعرفون كل واحد يزجم وعقب الزجام تصير فيه كحة كلها فترة وتروح….
بنتي من أول ما تزجم وهالكحة تلصق فيها ما تهدها …لدرجة انها تزيد عليها بالليل واحيانا من كثر ما تكح ترجع …لأن صدرها متروس بلغم بالرغم انها مالحق البلغم يتجمع …أنا أحيد ان الواحد فينا عقب ما يخلص من الزجام تستويله كحة بسبب البلغ اللي اتكود
أما بنتي من أول يوم للزجام وتبدي موال الكحة وعادي اطول وياها أكثر من شهر
والله يا جماعة وديتها ما خليت دكتور ما شافها
حد يقول عندها التهاب بالشعب الهوائية ….وحد يقول عندها حساسية في الصدر وحد يقول لأنها صغيرة فما فيه مساحة ما بين اللحمية والبلاعيم وعلشان جيه ينزل المخاط على طول للصدر ويخليها اتكح
وآخر مرة قلت بوديها لدكتور زين …قال لي لازم تعرضيها على دكتور أطفال متخصص بالجهاز التنفسي على قولته فيه دكتور أطفال متخصص بالباطنية وفيه متخصص بالجهاز التنفسي وفيه وفيه ….هذا من كلامه وما أدري شو الصدق
الحين يا جماعة الخير اللي تعرف دكتور شاطر بهالسوالف في بوظبي تخبرني بوديها حرام احنا من اتيينا الكحة ما نقدر نرقد ونكره حياتنا وهي عايشة عالكحة
الصراحه العيال شقى ربي يحفظهم
أنزين احسن لها اتزوعه ولا اتولفه في صدرها
بس صدق مشكله
خص كحة طول الليل
الله يشفيها لج يارب
عطيها عسل طبيعي
وشاي زعتر
د. حسام عناية سوري الجنسية ما اعرف اذا هو الحين في المستشفى الفرنسي الاماراتي اللي على الكورنيش
او في مركز او مستشفى الريف
اسألي البدالة عنه
سلامتها يا رب والله يحميلك اولادك
في دكتور شاااااااااااااااااااطر في مركز حمرعين إسمه ناصر إستشاري حساسية الصدر وأمراض الصدر والربو ..
