بنتي عصفررة في الجنه

ابنتي عمرها 4 شهور كانت اتكح من كان عمرها شهرين وديتها عيادة قالولي كحه عاديه وهي صغيره ما نعطيها دوا لين ما كملت 4 شهور زادت الكحه عندها وديتها عيادة خاصه وعطوني دوا وعقب اسبوعين تعبت علي استوالها ضيق تنفس سرت المستشفى حطولها اوكسجين كانت هي اتصيح بس خفت دقات قلبها عطوها ادويه عشان اتزيد دقات القلب بعد قالت الدكتوره لازم انحطلها بيب للاكسجين سوولها اشعه وطلعوني برع انا وريلي بعد اشوي زقرنا الدكتور وخبرنا بحاله بنتي وكانت الصدمه الكبيره يوم قال البنت عندها تضخم في القلب ولازم اتعرفون انه توقف عندها القلب والرئه ونحنا انعشناها ولازم الحين انحطها في العنايه لين ما ايي دكتور ويقول شو سبب التضخم تمت بنتي في العنايه من الظهر والساعه 8 يا الدكتوره وسوالها سونار وخبرنا انه ماعندها شريان ينقل الدم الى باقي الجسم الدم يطلع ويدخل نفس المكان عيب خلقي وهذا خلا القلب يتضخم ولازم الحين انسويلها عمليه في القلب في مستشفى خليفه حالتها وايد خطره والعمليه بعد خطره اتصل الدكتوربمستشفى خليفه في ابوظبي و الدكتور هناك قال ماشي سرير مر اليوم واليوم الثاني حاولنا نتصل نحن في المستشفى ونفس الكلام ماشي مكان ويعني لازم واسطه حتى في هاي الامور والله كان كل مانتأخر كل ما اتكون حاله بنتي اخطر في هذا اليوم يمكن اتوقف عنها القلب 3 مرات وانا قلبي على بنتي واصيح من الخوف عليها على المغرب حصلنا مواقفه ومكان في مستشفى خليفه كلمنا الاداره قال الاداري اي دكتور قال ماشي مكان فيه شوفي القهر بس حاله بنتي كانت في هذا اليوم مب مستقره لانه اخر مره اتوقف عندها القلب بصعوبه انعشوها قبل النقل خبرنا الدكتور انه حالتها وااااااااايد خطره وحتى اذا نقلناها يمكن ماتوصل اتموت في الدرب يعني قبل ما نوصل ابوظبي كان يبانا ناخذ قرار انخليها او انوديها انا وريلي قلنا اذا الله كاتبلها عمر بتعيش وزهبو كل شي وحطوها في الاسعاف وفي الطريج اتوفت بنتي بس هم كملو لين ماوصلو ابوطبي انعشوها بس مافي فايدة اتوفت بنتي الله اختارها عصفوره في الجنه والله من الصدمه ماعرفت شو اسوي كنت بموت ساعتها ما اتخيل اني ارد من غيرها 4 شهور انا وياها فرحانه فيها كل هاذا في يومين استوى مثل الحلم كانت الكحه هي ضيق تنفس الكل يسأني ليش ما كنتي اتعرفين انه بنتج عندها عيب خلقي في القلب انا من وين بعرف انا كنت ادويها المستشفى ويشوفا الدكتور وتاخذ تتطعيمات وكل هذا في مستشفى حكومي مب خاص هم ماعرفو انا بعرف
الواحد شو يقول غير الحمد لله على ارادة الله فصبر جميل والله المستعان

لا حول ولا قوة إلا بالله ..

صبراً جميل والله المستعان ..

ربي ان شاء الله يجعلها شفيع لج وطير من طيور الجنة ..

ربي يصبرج على مصابج ويعوضج على صبرج ..

وقف شعر ينبي وأنا أقرأ قصتج مهما كان أكيد ما بنوصل لـ شعورج ..

قدر الله وما شاء فعل … احتسبي مصابج .. وربي يأجرج فيه ..

وان شاء الله ربي يرزقج الذرية الصالحة في القريب العاجل ..

الله يصبر قلبج ويجعلها طير من طيور الجنه

الله يرحمها
ان شاء الله تكون لج شفيعة
والله قطعتي قلبي الله يصبرج فديتج
والله يرزقج بالذرية الصالحة يارب

الله يعينك الغاليه ويجعلها شفيه لك .. قولي اللهم اجرني في مصيبتي واخلفني خيرا منها… ربي يعوضك بالذريه الصالحه المصلحه الباره

الله يصبر قلبج ويجعلها طير من طيور الجنه
وتشفع لج ولابوهآ بيوم القيامهـ ..
قدر الله وما شاء فعل … احتسبي مصابج .. وربي يأجرج فيه ..
وان شاء الله ربي يرزقج الذرية الصالحة في القريب العاجل ..

الله يصبرج اختي

ويعوضج ويرزقج الذريه الصالحه المعافى

هذ اختبار من رب العالمين