المشكلة وما فيها …عندي واحد من اخواني سلمكم الله متزوج من فئة البدون، حملت مرت أخوي ..وكانت تراجع مستشفى الرحبة ف بوظبي فترة الحمل..ربت ويابت بنوتة.. وهني كانت الصدمة يوم راح أخوي بيظهر لها شهادة ميلاد قالوا مافي!!!!!!!!!! ممنوع!!!!!! لأن الأم بدون!!!!
أوكي الحين الياهل يتبع الأبو ولا الأم؟؟؟؟!!!
وشو يعني بدون؟!!! يعني مرت أخوي اللي بدون عندها شهادة ميلاد وأوراق ثبوتية ومرسوم من رئيس الدولة ودرست واتخرجت وخلصت وهي مش مواطنة ولا شي!!!
والحين بنتها اللي يا زعم مواطنة بنت مواطن ما اتكون عندها لا أوراق ثبوتية ولا شي يثبت النسب ولا شي ولا شي!!!!!
المهم أخوي والعايلة الكريمة ما سكتت .. ومن يوم الولادة لين يومكم هذا ايراكضون من لجنة لين لجنة.. ومن مستشفى لين مستشفى.. وماشي فايدة!!!
حتى لدرجة انهم يدخلون في تحقيقات وسين جيم كأنهم مسوين جريمة …والزبدة يقولون لهم اغسلوا ايدكم من شهادة الميلاد والجواز..
شو هذا يا ناس شو اللي استوى بالبلاد بعد زايد – الله يرحمه -!!
والله ما كنا جي..
قبل كنا نسمع عن اعيال المواطنة شو مصيرهم؟!!!
والحين صرنا نسمع آخر نكتة اعيال المواطن صاروا بدون!!!!
صدقوني خواتي هالشي مستحيل ايصير في دبي مع احترامي لحكومة بوظبي اللي فيها ظلم كبيييييييييير ما أدري ليش؟!!!
لأن أخوي وأبوي وخوالي والعايلة راحوا كذا مستشفى في الدولة يستفسرون عن هالشي أغلبهم ردوا لو انولدت عندنا جان عطيناها الشهادة أكيد..
حتى مستشفى البراحة في دبي قالوا ييبولنا شهادة "لا مانع "من مستشفى الرحبة وبنعطيها شهادة الميلاد على طوووول.. لكن للأسف مستشفى الرحبة ما طاعوا!!!!!! شفتوا النحاسة..؟
والمصيبة انه هالقانون صادر توه في بوظبي ما صار له شهرين!!!!!!
شو هالقانون؟؟؟!! وشو هاللي يستوي في البلاد؟؟؟!!!
واحنا الحين ما انعرف شو انسوي.. كل اللي نسمعه كلمة: "هاي أوامر"والله أخوي نفسيته زفته..
ايقول هاي كيف بتعيش؟؟ كيف بتدرس؟؟؟ الحين حتى المدارس الخاصة يبون أوراق ثبوتية وما يسجلون بدونها!! كيف بتاخذ حقوقها؟!!
الله لا يسامح اللي كان السبب في إصدار هاي الأوامر..
والله ايرد النا زمن زايد – الله يرحمه – ويسكنه الفردوس يا رب لأنا كنا ف عز في حكومته…
فيدوني خواتي اذا كان لكم علم بالموضوع وحيثياته…
ووووو وين نضرب براسنا؟؟؟
ووووو لمنو انروح نشتكي؟؟؟
ووووو كيف تنحل هاي المشكلة ووووو بالقانون؟؟؟
والله المستعان
لا تعليق
الحين مواطن يتزوج اجنبيه يعطونها الجواز
اول مره اسمع بهذا الشيء ولا في بوظبي بعد
دخلووو على الشيخ لانه مافي حل غيره
المشاركة الأصلية كتبت بواسطة ريـashـم 
الحين مواطن يتزوج اجنبيه يعطونها الجواز
اول مره اسمع بهذا الشيء ولا في بوظبي بعد
دخلووو على الشيخ لانه مافي حل غيره
منو يقدر يوصل للشيوخ ؟؟!!
يمكن في دبي في الشارجة في عيمان.. لكن في بوظبي!!!!! مستحيل
لأنه جربنا وما في فايدة السالفة يبالها حرف الواو.. الله المستعان!!!
كل شي معقد ف بوظبي مافي ديموقراطية ما في حرية ………
خلي القلب متروس…
المشاركة الأصلية كتبت بواسطة إمبراطوره مكه انتي وووووووووووووووووين و السالفه وين اسميج مغفيه ..
المشاركة الأصلية كتبت بواسطة أم حمادينو والنعم بالله سبحانه وتعالى..
واحنا معتمدين عليه.. لأنه هو الرزاق مش بني آدم اللي لا حول لهم ولا قوة..
وكل واحد ياخذ رزقه في هاي الدنيا..
