بغيت اليوم اطرح عليكن موضوع وبالأخص حق الحرمة اللي يقول لها ريلها بتزوج عليج
انا عن نفسي ريلي ما يقول لي هالكلمة بس الاحتياط واجب
طبعا كل وحدة فيكن تعرف ريلها عدل وتعرف شو يحب وشو يكره واكيد انتن مب مقصرات ويا رياييلكن
بس فحالة ان الريال يقول انا بتزوج على حرمتي هاي فيها مشكله او ان الريال مب شبعان من حرمته يبا ينوع وطبعا الحين وايد منتشر هالشي
بس انا بقولكم سالفة وحدة ريلها بس قال لها هالكلمتين ( لو ما سكتي عني بتزوج عليج )
طبعا الحرمة لازم تعرف ريلها وين يسير ووين ايي .. ومرة هالريال قال حق حرمته هالكلمة
اول شي انصدمت بس عقب ادبته ما سوت شي
بس خلت عيالها عنده طبعا ما تروم تصبر عليهم هي بس خلتهم عنده وسارت بيت اهلها واتصلت فيه وقالت له : جان فيك خير سير تزوج عادي عندي بس خلها تربي عيالك وطلقني انا .. وانا الحين صغيرة بعدني وحلوة وألف من يتمناني ولين الحين الخطاب ايون بيتنا ما يدرون بي معرسة.. طلقني وبتزوج وبعيش حياتي ويا اللي احسن عنك)
بس قالت له هالكلام وبكل برود اعصاب .. الريال ما كمل نص ساعه الا وهو عند باب بيت الحرمة
طبعا ردت له الحرمة بس عقب مذلة .. وها دوا الرياييل والله انهم ما ينعطون ويه
لازم الوحدة تكون أذكى من جيه …
احس لو ريلي وسويت فيه هالحركه
ما بحصله جدام بيتي لا والله بحصله جدام بيت المحكمه خخخخخخخخخخ
لكنة اكيد ان دقت فراسه مابيحفلني ربي يخليه لي
