اشحالكم بنات عساكم بخير وان شاء الله الهمه تكون فوق القمه وكل وحده توصل لمتغاها وهدفها، والهدف ماتوصلينه الا بالعزيمة والاصرار وحطي في بالج وقت قصير وترجعين لوزنج وانه هذا الاكل ماراح يطير منج موجد ع سطح الارض وبتاكلينه في الايام الجايه بس باعتدال وانتظام
المهم انا صار لي تقريبا اسبوعين بديت رجيم البروتين بصراحه قريت تجارب كثير من البنات وقريت عن رجيم دوكان دايت فحبيت ابدا فيه وعسى اخسر الوزن اللي عندي وهو تقريبا 20 كيلو، وع فكره هذا الوزن بعد الحمل والولاده انا عمري مازدت في وزني هذا كله بس شو نقول اللي يبا العسل يصبر ع قرص النوب واحنا نبا اولاد وهذا نتايجه بس الحمدلله عندي احلي بيبي
بصراحه بديت الرجيم مع الرياضة صار لي تقريباً اربعة عشر يوماً وللامانه خبصت فيهم اربعة ايام بس العزايم ولكن الحمدلله كانت النتيجية مرضية كثير ووزني كان 83.4 ونزل الى 78.6 الحمدلله يعني تقريباً اربعة كيلو وشوي الحمدلله مبسوطه كثير بصراحه ومن يوم السبت رجعت للرجيم اللي انا مستمره عليه وبشوف كم بنقص لاخر الاسبوع وبقولكم طبعاً هذا الرجيم مع الرياضة لمدة ساعة كاملة مشي وتمارين البطن 50 مره وتمارين القرص الدورا لمدة 10 دقائق وبعض التمارين الاخرى مع شويت رقص شرقي يعني كلها على بعض تكون ساعة ونص الى ساعتين وطبعا المشي امشي مشي سريع من سرعة 6 كيلو الى 10 كيلو وجري
وطبعا اشرب ماء مايقل عن 3 لتر في اليوم واكثر
اللي حابه تنضم معاي لرجيم البروتين والرياضة حياها الله بس بشرط تكتب يومياتها وانا بكتب لكم من اليوم شو النظام في الاكل والرياضة
الله يوفقج تستمرين وتنقصين اكثر
بس لو ضفتي الرجيم فالموضوع يكون احسن عشان اتسهلين على اللي يبا يمشي عليه
واااو نتيجة رائعة عزيزتي 
… نفسي أبدأ بريجيم معين لأني بس عالتخفيف.
لكن ممكن ما اكتب الوزن؟ 
لين اجتاز الـ100 :S :S :S … أنا صايرة مثل البالون ينفخ وينزل ينفخ وينزل … والسبب طبعاً مني، خاصة من وقت بدأت أشتغل بالحلويات ……… دمار شامل !
بانتظار الريجيم. ومن وين تاخذين نخالة الشوفان ……….. أنا شخصياً أعتمد كثيييييييير على نخالة القمح.
بالتوفيق
والسلام عليكم ورحمة الله
يزاج الله خير على ذكر تجربتج . انا جربت الرجيم البروتيني لمدة اسبوعين لكن سبب لي خربطة في الدورة و الدكتورة منعتني منه
اسفه كثير على عدم ردي لكن امبارحه لاني بصراحه انشغلت وايد في الشغل وجاني شغل مهم
المهم برد عليكن غالياتي وحده بعد وحده
المشاركة الأصلية كتبت بواسطة ::ButterFly:: 
الله يوفقج تستمرين وتنقصين اكثر
بس لو ضفتي الرجيم فالموضوع يكون احسن عشان اتسهلين على اللي يبا يمشي عليه
شكراً عزيزتي تراني ذكرته رجيم البروتين او مايشابه رجيم دوكان دايت الفرنسي + الرياضة + شرب الماء اكثر من 3 لتر في اليوم + بعض الأعشاب المسهله لان رجيم البروتين يسوي امساك شوي في بداية مرحلته
