تجري الرياح بما لا تشتهي السفن

يا سبحان الله وصلت البارحه بانكوك مثل ما خبرتكم زوجي ما خلاني قبل اسافر تايلند
لاني قبل شهرين راده وتراني رحت الشمال ودبي ويا سبحان الله تعبت اختي في بانكوك
وقرروا يسولها عمليه وانتخى ابو الشباب وسمحلي اكون ويا اختي والحمدلله سوولها
العمليه والى الحين ما صحصحت من البنج وانا اكتبلكم .
حبيت اخبركم وما شالله الامارات متحوله كلها هني والمطر ما شاء الله عطول البارحه الله يرزق بلادنا ويخليلي ابو عيالي ويعطيه العافيه

ما تشوف اختج
والله يردكن للبلاد بالسلامه
والله يرزقكم خير الامطار ويكفيكم شرها

لا تقهريننا
أصلا الجو فالبلاد جميل وشاعري

الله يقوم اختج بالسلامه

هيه والله الجو روعه عدنا فالبلاد
لو توقفين 5 دقايق برع
بتشوفين المطر يتصبب على اجسامنا

مشكوره (غواني) على الرد والله يقومها( ام علي) بالسلامه
حبوبه لو مطر حرورطوبه وانا امج سرت سوق العرب
اصرف ذبت في ثيابي مع هذا احب ازورها واتعالج فيها

يا حلوج يا بنت كشيش والله انتي مثلي انا وعيالي انموت عليها وتستاهلين سلامة اختج

تستاهلين سلامت اختج الغاليه…

هيه والله كله ولا بانكوك انا بعد تعيبني وتدق عليه واستانس يوم اسيرلها

والله يعافي ام علي ما تشوف شر انشالله وسلمي لنا عليها