شخباركم خواتي طبعا متفاجئين اني انا اللي بفج التجمع على حظي سبحان الله 
الله يجعله ويه خير علي وعليكم يارب 
ماراح انقل لكم كلام من مواقع ثانيه
كلنا نعرف فضل قيام الليل وقرينا قصص وشفنا وسمعنا وغيره وغيره
سبحان الله معجزات تصير بسبب هالوقت ونحن للاسف احيان نطوفه علينا بسبب الرقاد
كل وحده فينا تتمنى اي شي بحياتها
سواء زوج , وظيفه , ذريه , سعاده , فلوس ,,,,, الخ الخ
كيف راح نحقق كل هذا
هل بذلنا لعمرنا بالناس بنحله ؟؟؟
ولا روحتنا للمستشفيات بنحله ؟؟؟
ولا نسرق ونحسد الناس على خيرهم ؟؟؟
ماراح يحقق لنا ها كله الا الله سبحانه واذا ماتقربنا منه طول حياتنا صدقوني ماراح نفلح بشي
مب بس عشان امانينا تتحقق لااااااااا
عشان حياتنا كلها
كل وحده تاخذ لها وقت تفكر, اوكي انا انسانه اتمنى وايد اشيا تتحقق بحياتي هل يوم تتحقق لي هالاشيا بتقربي من الله خلاص
اقلل اللي كنت اسويه وارد للمعاصي مره ثانيه 
طبعا لا
والف لا
ربي خلقنا بهالدنيا لطاعته قبل كل شي الدنيا عباره عن امتحان مثل ماتروحين تمتحنين في المدرسه
وتفرحين يوم تجيبين اعلى الدراجات
والابله تكرمج ويعطونج جائزه
الدنيا جي
دار امتحان واختبار ربي يبلانا فيها يختبر صبرنا يشوف كيف ثقتنا فيه ويقينا به
واللي ينجح فيها في هالاختبارات
له جائزه لا تخطر على بال احد
وهي الجنات العليااااااااااااااا الفردووووووووووووووووووس الاعلى 
ااااااه يارب اجعلنا من سكان الفردوس الاعلى
كم وحده فيكم في يوم يوم حست ان ضاااااق عليها كل شي
وانها مب قادره تتحمل
فكرت بعقلها شوي : وقالت
الحين الله اللي خالق هالدنيا كلها وخالق هالسموات بدون عمد وخالق الملائكه وعاد تخيلي الملائكه كيف باحجامهم وخالق الجن والانس والبهائم وكل شي هل عاجز انه يحقق لي مطلبي اللي هو مايساوي نقطه في بحر في ملكوته هذا كله ؟؟؟؟؟؟؟؟
طبعا لاااااااااااا جل جلاله قادر يحققه لج وبلمح البصرررررررررر بس هو بحكمته ولنه يحبج قاعد يختبرج
صدقوني يابنات الله رحييييييييييييم رحيييييييييييييم رحيييييييييييييم بعباده
والدليل الكبير على رحمته انه كل يووووم كل يووووووووم مب يوم اي ويوم لا
لاااااا كل يوووم ينزل للسماء الاولى جل جلاااااااااله يتكرم وينزل الى عبااااااده كل يوووووم يخاطبهم ومو اي خطاب لاااااااا
خطاب لين هين سبحانك ربي لا اله الا انت
يقول لهم
هل من داعي فاستجاب له هل من مستغفر فاغفر له
بما معناه
ياااااااااااااااااه يالله عمركم شفتم حاكم جي يسوي او سلطان يجي لين عند رعيته جي يسوي حتى لو راح لهم بس ماراح يوفر لهم كل شي
ماراح يحققق لكل فرد منهم اكيد راح ينسى كذا واحد
بس ربي لااااااااا شايف وعارف ويسمعكم ويشوفكم كلكم بوقت واحد ومنصت لكم ويحن عليكم حتى لو اذنبتووو
يتوب عليكم ويغفر لكم
معقوله
معقوله
بعد ها كله نرد نرررررقد ونخليه !! نخليه نازل لين عندنا يبا يسمعنا ويحقق لنا مطالبنا
معقوله نناااااااام ونخليه
ونخلي هالفرصه الثمينه اللي ماتعوض بثمن
اكيد لاااااااا خواتي طزززز في النوم بيعو النوم باجر بنام نومه مانقوم منها بالقبر 
الوقت الوقت يمر خواتي
ادعوا الله وانتم موقنون بالاجابه انه راح يحقق لكم كل شي تبووووووووونه
خل عندكم يقييييييييين قوي بالله وهالكلام اوجهه لنفسي بعد
خلونا نتقرب من الله اكثر خواتي ونقوم الليل ونختم القران ونستغفر ونتصدق ونعمل الخير
مب بس عشان تتحقق امانينا لااااااا
عشان نكسب رضا الله عنا
عشان نفوز بالجنات العليااااااا الفردوووووس خواتي الفردووووووس مع الرسول والصحابه باذن الله
خلونا نشد على اايد بعضنا
خلونا نجتمع على حبنا في الله عسى ربي يجمعنا كلنا بالجنات العليا يارب
ونكون من اللي يظلهم ربي تحت ظله يوم لا ظل الا ظله
حبيت اكتب لكم هالكلام من قلبي بدون نقل بدون شي كلام طالع من قلبي انا ( الجوهره )
واتمنى يكون وصل لقلب كل وحده فيكم واستشعرته
قوو ثقتكم بالله
خلونا نقوي ثقتنا بالله اكثر
ونعرف ان مهما صار بالدنيا من مشاكل وبلاوي
الله قادر يحلها بيوم وليله
بس يختبرنا يختبر صبرنا ويختبر قوة يقينا فيه
الله يوفقكم خواتي
واتمنى من كل قلبي ان نسمع بشاير عن بعضنا دووووووووووووووم
ونستمر على هذا الشي طول حياتنا حتى اذا افترقنا كل وحده يكون عندها يقين وعندها روتين خلاص تعودت عليه وماتودره
احبكم في الله حتى اذا قصرت وياكم بس صج احبكم في الله 
>>>انتو هني 
مبروج التجمع ليديد بنات ان شاءالله اكون تجمع خير علينا ويارب في هالتجمع اسمع البشاير الحلوه منكم يارب
ومشكوره الجوهره ياقلبي على الفاتحهةالجميله لتجمع والله يفتح ابواب سمواته لج وفرحج بلي تتمنينه وجزاج الله الف خير
نسيت اصبح عليكم ….. صباح الخير يااحلا خوات لي
