تحديد النسل

السلام عليكم ورحمة الله وبركاته …….
اتمنى انكم تكونون بالف صحة وعافيه …….. الموضوع مبين من العنوان

قال رسول الله صلى الله عليه واله وسلم( تناسلوا تكاثروا فاني مباه بكم الامم يوم القيامة)

الاوليين امهاتنا واجدادانا كانوا يتباهون بالعيال وخاصة الاولاد .. وتحدي من الحرمة اللي تحمل قبل ومنو اللي تييب عيال اكثر … واللي ما تييب عيال مصيرها زوجة ثانيه على راسها من حنه ورنه العمة هههههههه

بس هالايام الناس والحريم ما قاموا يهتمون منو عندها عيال اكثر … وناس تحدد نسلها بموانع الحمل ……
طبعا هالزمن تغير عن قبل بوايد كل حد يقول العيال مصاريف ودراسه وسفر والعاب وجامعه وووو الخ
قبل كل شئ بسيط لا مولات ولا سفر والمدارس الحكومية ببلاش ……….وحدهم صقلةوغميضة في الفريج

هل يوم من الايام يلستي مع ريلج وتفاهمتوا على عدد العيال اللي بتييبونهم وله متوكلين على الله ….

الحمد لله انا الحين عندي بنت وولد ودائما زوجي يقولي كل سنه وااحد اقوله ليش تبا فريق كرة قدم هههه
ودائما الواحد يقول الحمد لله على هالنعمة

مرحبا موظوعج واااايد حلو …

انا بقولج الصراحه قد تكلمت مع ريلي في هالموظوع وحددت الي فخاطري نيبهم والسبب الرئيسي عندي تربيتهم لان المجتمع والبيئه الي يعيش فيها الطفل وايد تحدد من سلوكه وانا ماريد هالاشياء تخربهم ان شاء الله اني بربيهم تربيه الي اشوفها اوكي واذا كانو العيال ذاك كثرهم مابقدر اتحكم فيهم ^__^

بس بعد الي اي من الله حياه الله وماعندي اي اعتراض

اكيد كل حرمه يلست ويا ريلها وتفاهمت ع التحديد بس تعرفون الريايل ما يحسون بالتعب اللي تحسه الحرمه من حمل وولاده وتربيه وسهر هو دوره اكثر شي من الناحيه الماديه يعني يصرف ع العيال،، الريال يلس ويا عياله بس مب كثر الام اللي تتعب وتشقى عشانهم،، عشان جي يوم تبى تحمل تفكر فيها من كل النواحي وتلفها من كل صوب هههه حليلها،،

ومثل ما قالت اختي في النهايه اللي من الله حياه الله..

للرفع

لي عودة

بصراحه انا اايد انه الوحده تييب عيالها واي بعض يعني بفرق بسيط وبعدين توقف لانه العمر يمر بسرعه ومابتحس بعمرها الا وهي كبرت والعيال نعمه من الله لا انا ولاغيري نقدر نحدد كم واحد بنيب هذيل نعمه من الله وهو متكفل فيهم والحمد لله عندي اربع وعالسنه بخلص ٢٩ وبدخل ٣٠ واللحين قرت اخذ منع الحمل بإذن الله واربيهم .. صدقوني حلو لما يكبرون مع بعض ،،، ريلي يقولي خلاص مايبغي وانا اقوله حرررام تقول جي ..
الله يرزق كل محرووم انشالله ويفرح قلبهم قولوا امييين

صدقتن .. جد يلست ويا ريلي .. وهالسالفة وايد مستانسه منها

أولا ريلي عنده ولدين من قبل و أنا يبت بنت والحمدلله على كل حال .. أقوله بعدني أبا أييب 3 يهال

ولدين وبنت عشان بنتي يكون لها خوان وياها فالبيت و في نفس الوقت يكون عندها أخت تلعب وياها

وبجذه بيكون عنده 6 يهال والحمدلله على كل حال

مشكورات عالتفاعل والله يخليلكم عيالكم ان شاء الله

ونتريا اراء باجي الحريم