اشحالكن خواتي ،،، عساكن بخير
انا بدخل في الموضوع على طول ،، والله يخليكن نبا حل لهالمشكله إللي طفرنا منها كلنا ،،
ربيعتي صار لها ثلاث سنين وشوي متزوجة ،، أول سنة كانت أوكي مع زوجها لأن قبل لا يخطبها كان مطوّع وملتزم ،، من المسيد للبيت والمصحف ما يفارق ايده ،، وينصح الناس هذا حلال وهذا حرام ،، ويعد ماتزوجو بسنه اخترب وانقلب ألف درجة ،، استوا ظااااايع ظااايع وكلمة ظايع شويه عليه …
بدا يخونها مع البنات ،، وكم مرة اكتشفته واعتذرلها ويوعدها بأنه ما يخونها ويرجع يخونها ،، وبعدين إللي هي الصاعقة الكبيرة ،، ترك البنات وقام يحب الرياييل ،، الجنس الثالث ،، والرياييل النص نص يعني إللي مش مبين عليهم انهم جنس ثالث ،، والله يابنات إنها تعبت من كثر ما تكشفه وهو يعتذر ويوعدها بأنه بيودر هالشي لكن ماشي فايده ،، بنات تخيلوا إنه مهتم فيهم ورومانسي فوق ما تتصورون معاهم ،، الكلام الحلو والطلعات والتيلفونات ،، وحارم حرمته من كل هذا ،، مسكينه الحرمة تعبانه نفسياً وااايد وااايد ،، يوم تشوف تيلفونه وتشوف المسجات والمكالمات اتم تصيح وتقول ليش انا حارمني من هالشي وشو يبا في هذيلا ،، تخيلوا معاهم قمة في الرومانسيه ومعاها لا ،، حاولت معاه كل الطرق ،، وخذته العمره لكن لا حياة لمن تنادي ،، وهو في العمره يتصل فيهم ويسألهم شو تبون أييبلكم هدايا ،، طبعا هي تسمعه وهو ما يدري .. ريلها استوا مدمن رياييل ،، يقص عليها عشانهم ،، ما يشوفها طول اليوم إلا مره وقت الغدا وبس بعدها يطلع عنها ،، حتى في أوقات الجو الحلو والمطر يخليها ويسير عندهم ويطلعهم ويتغدا وياهم برع ،، وهذا غير السينمات والمطاعم ودبي وبوظبي
طلبت الطلاق مليون مرة وما يبا يطلقها ،، يقول ان يباها وما يقدر يستغنى عنها ،، إذا زعلت وسارت عند أهلها يتم يحشرها عشان ترجع ويوعدها إن ما يعيدها ،، وكله كذب في كذب ،، ترجع وتكشفه مرة ثانيه ،، وهي دايماً تسأله إذا يمارس معاهم شي ( اعتقد فهمتوني ) وهو يقول لا والله مب لهالدرجه انا عندي حرمة وأسوي فيها إللي أباه .. هي مب مقصرة وياه بشي ، ودايماً تسأله أنا مقصره ؟؟ انا فيني شي ؟؟ يقولها لا انت لا مقصره ولا شي لكن ما أدري ليش انا أسوي فيج جي ؟
خبرت أمه ،، وأمه خبرت أخوه العود وكلموه وهزبوه ،، لكن لا حياة لمن تنادي
هي في خاطرها ماتبا تتطلق بس تبا حل للمشكله هذي لأنها خلاص انهارت منه ،، كل يوم تدعي في صلاتها وفي سجودها وفي كل وقت ،، والدموع ماتفارقها
بنات شوفولها حل دخيلكم لأن الرحمه استوت بلا قلب ولا مشاعر ،، كل شي فيها مات من صوبه
ويزاكم الله ألف خير
تدعي الله انه يرده نفس اوول وافضل…
وتحاول تهديه اشرطة اسلاميه عن المووت والعقااااب…وعذاب القبر……والخ
يمكن سبحان الله يهتدي ويرجع للافضل…..ان شاء الله بيتغير مع الاياااام
استغفر الله العظيم عدد خلقه ورضا نفسه وزنة عرشه ومداد كلمااته
سبحان الله وبحمده عدد خلقه ورضا نفسه وزنة عرشه ومداد كلمااته
ومافي حل يردع هالامور وكلن يلعب ع هواه وبكيفه
لا حسيب ولا رقيب
الله يصلح حاله ويبتعد عن هاللوث اللي مخربين الدنيا
وييسر امورها ان شاء الله
انا بقولج عن نفسي , لو انا مكانها لا سسسمح الله , مابتم عنده ومستحيل اتم عنده هذا مستحيل ما مارمس اللواط وياهم يعني هي شو تتريا ايبلها مرض؟؟
الله يهديه ويسخره حقها
ويصبرها ويحنن قلبه عليها ويهديه شوها البني ادم الله لايبلانا والله لو انا مكانها مااكانه انتظرت دقيقه عنده يخون ببلعها
بس يمميل للرجال شوها القرف لاعت جبدي والله وكان مطوع من قبل بعد الحمد الله والشكر
صلي استخاره فديتج
وربي يصبرج يارب
