لا لا مب عياييز … هني الحلويات للبنات اللي في عمر الزهور … وقسم الاكلات الساخنه
للعياييز امثال مرحباني وثريا هههههههه …
نتداعب نتداعب
يالله يا حلوات شوفن معاي تطبيقي لحلى الاوريو اللي من متى ان ابا اسويه
وهو فكرة الاخت ام عمهي … وتطبيقي
في اشيا غيرت فيها للزوم البصمه الخاصه .. امحق بصمة بس خخخخخخخخ ..
اولا هالكيك … انا احبه واااايد .. وافضله اكثر عن امريكانا وغيره
من يوم صغيره وانا اخذ منه … عاد قبل يقصون علينا يبيعونه لنا بالحبات …
وهني شكلها ياربي خبااااااال …
ع قولة شوكولاته "شوفوها عزيزاتي كيف هشه" … ياوييييييييييييلي عالهشاشه انا
وهني قطعتها .. الصراحه الهشاشه مب طبيعيه ههههههه …
وهني ذوبت 3 الجالاكسي + 2 مارس وصبيت فوقه حليب لان ماكان عندي الا علبه وحده قشطه
وكنت اباها للكريمة… محد قالي اسويها فليل ويا راسي
بس حسيت اني وايد حطيت حليب … واستوت وايد سايله .. بس ماشي حالها
وهني رتبت الكيك فالقالب …
ودقدقنا الاوريو … الراقد نش من صوت الدقدقه .. ضرابه مب تفتيت
وعقب سويت الكريمة ….
طبعا ام عمهي بس حطت قشطه وجبن كيري ونستله …
بس انا غيرت شوي وسويت نفس السنافر … زدت عليها كريم كراميل ودريم ويب
وكمية النستله خاشوقتين .. وترا وايد هاه .. لا تقص عليكم ام عمهي وتحطون العلبه كامله
وحطيت البسكوت عالكيك …
مع اني ما احب كيك فيه بسكوت .. من جي ما احب الجيزكيك
وحطيت خليط الكريمة …وعقبها عالثلاجه عشان يجمد
وهني عقب ماجمد الخليط
عقب الجوكلت اللي ذوبناه .. وتردينه فالثلاجه
سبقتج بهالخطوة .. يعني اوني حركااات
مالحقت اخق …
شوي اخترب عني يوم شليت القرطاس…
بس شرايكم بالتزيين … مب جنه دانتيل … شكلي بغير اسمه
من حلى الاوريو … ل حلى الدانتيل .. شرايج
يا سسسسسسسسسسلام عالشكل
وهاي جطعه من جطع القاتووه خخخخخخخ
ولازم فالنهاية شي يبرد عالقلب
طبعا من البدايه وانا ابرد ع قلبي … باقوى وحلى شراب
شراب الاماراتييييين هههههههههههههههه
هاه شو رايكم يا بنات.. شغل تايوان ولا اماراتي!!!
تسلم الأيادي
عاشت ايدج
ناوليني جطعه لو سمحتي
أستغفرك وأتوب إليك
