طبقت بعض أطباق الأخت قصص… ما شاء الله عليها… طباختنا العزيزة وقلت أحطهم لكم…
بس ها من غير تعليق هههههههههههه.. أنا مب طباخة ولا شيء بس اتبع التعليمات… بعضها تضبط والبعض ها يعني… غير ان التصوير مب واضح لآنه من الموبايل…
المهم… أنا سويت 4 وصفات من اطباقها…
1) خلطة الدجاج والباذنجان والبطاطا بالجبن…
قليت البطاطا…
والباذنجان…
هذا الدجاج بعد ما سلقته وفتته وسويته بالبصل وحطيت عله الصنوبر (نسيت الفلفل… أنا أقول ناسية شيء)
حطيت المكونات بترتيب الأخت قصص…
اهني حطيت عليه القشطة والجبن وبشرت عليه الموزريلا وشوية شيدر…
وهذا شكله النهائي….
طلع لذيذذذذذذذذذذذذذ.. بس دسممممممممممم…. واحنا ناكله انا واختي اقول تسلم إيدج يا قصص على هالأكلة الحلوة… اختي تقول لي ليش مب إنتي اللي مسويتنا.. فاكرة حد ثاني مسويه.. ههههههههههههه…
2) الخبيص…
ما صورت الخطوات ولدي محموم ولاصق فيني وأنا أطبخ بس صورت صورتين… انا إتبعت التعليمات حرفياً بس الظاهر نقص عندي الماي شوي.. مب مهم طعمه كان وايد حلو… انا ضفت من عندي مكسرات….
3) سويت بسكوت الينسون في رمضان بس ماصورته طعمه كان وايد حلو..
4) سويت الكنافه بالقشطة (المربعات الصغيرة) في رمضان بعد ماصورته… طلع روووووووعة خفيف وحلو… اليهال خلصوا في دقايق.. ماشاء الله…
تسلم إيدج إختي قصص على الوصفات الرائعة وجزاج الله ألأف خير… وتريا يديدج….
حياكم الله…
اتعرفين انا اذا اسوي شي مقلي مثل جه لازم اغسله بماي عقب ما اقليه علشان الزيت ينزل منه
وتكون الدسامه اقل شوي وعقب اصفه فالصينيه جربي هالشي مره ثانيه
بس الطريقه تشهيي خاطري اسويها
تسلم ايدج الغاليه
