تعالو نقاشوا وياي صفة منتشره ما بين البنات والحريم

الصفة هذي الله يسلمكم هي الإسراف
أول شي قبل كل شي لازم نفهم صح شو معنى الإسراف وشو الفرق بينه وبين التبذير ..

الإسراف تجاوز في الكمية. فهو جهل بمقادير الحقوق، وصرف الشيء فيما ينبغي زائدا على ما ينبغي. بخلاف التبذير، فإنه صرف الشيء فيما لا ينبغي

وطبعا معشر النساء شائعة فيهم هذي الصفة ومن مظاهرها ،،

المبالغة في الماركات يعني ع سبيل المثال شنطه يد تكون قيمتها ب 500 وإلا ألف درهم !!! ليش كل هذا ؟؟ بس عشان الناس تقول أني أتيكيت وما ألبس حيالله شي وأني كشيخه وعندي ذوق متنااااااااسين أني بي يوم وراح نوقف بين يدي رب العالمين وراح ننسأل عن هذا المال فيما أنفقناه ؟؟؟؟!!!

والأمثله عديده لو بعدد ما بخلص تلاقين بنات يفصلون ثلاث عبي للعيد وكل عبايه شكل ولون قيمتها ما تقل عن الألفين أو أكثر متناسين أن العبايه أصلا للستر مب للزينه !!! وانا لاحظت هالشي في المنتدى بعد ..

مثال غيره في حريم الله يهديهم يوم يلبسون عياله أطفال بتلاقون البدله ألي يلعب فيها ما تقل قيمتها عن 400 وإلا 500 ؟؟؟ ليش كل هذا وفي غيرنا لقمة أكل مب محصلنها ؟؟ ومتناسين أن ما بين غمضة عين وإلتفاتتها يغير الله من حال إلى حال وأن هذي النعمة أطير عن هالشخص < سبحان الله >

يعني في حريم ما يعتبرون هذا الشي إسراف أو غيره بالعكس يقولون نبا نكشخ وما نلبس حيالله شي >> أنزين أوكي أكشخي أتعدلي الإسلام ما يعارض هالشي بس بحدود وبحكمة وبعقل

فالمطلوب من كل وحده تراجع حساباتها بهالشي ..

وحابه أشوف آراؤكم بهذا الخصوص

صدقج منتشره وانا اكره الاسراف واحب الوسط بكل مشترياتي

في اشياء مب حلوه ما تستاهل كل الاسراف

بس ما اعرف في الناس كيف كل فلوسهم تروح للماركات

والتبذير واخر الشهر تلقين المعاش راح

يعني كل شيء وسط

الله يهديهم ولو يخلون جزء بسيط من راتبهم بالبنك

ما يدرون بالايام الياية والظروف والحال يتغير

انا سالفه ماركه وما ماركه ما حبها ولا اتخيل اني شاله شنطه بالالاف مب بخل بس مدام في نفس الشي تقليد او اشكال عاديه شغل يد بس يكون فيه شغل فيونكات و سلاسل و احلى بمليون مره عن الماركه وسعرها ما يتعدى 150 درهم
و العبي انا مريحه هلي من ناحيتها يالله يالله عباتي نقشتها باليد بس وماحب اثجل وايد يعني ماحب السوالف وايد بالعباه الا اذاا كانت عباه اعراس هاي عباه فيها شوي شغل لان هاي بتكون ويا حريم
و عاد الياهل اذا لبستيه بو عشر ولا بو 400 و هو يلعب بيخيسها بيخيسها و صبري له شهر و بتصغر له البدله لانهم يكبرون اذا بدلة عيد او بله حق عرس اوكي اشتري من الغالي بس اذا بدله مال اللعب في الفريج ولا فالبحر ولا ويا ربعه ولا فالطين والبسه بدله بو 400 بذبحه اذا خيسها ههههههههههههههههههههههه احلى شي ان الواحد يفهم ان لكل شي له وقته بس الناس صارت تشتري الغالي لكل شي و مستحيل يصدون صوب الرخيص

لا تسرف لو كنت من البحر تغرف

انتي تختاري شنطه يد ب 5000 او لتدريس 10 طلاب من الفقراء ولك الاجر العظيم عند الله

صدقج والله .. انا لاحظت هالشي وايد ..