تعليم السواقة في العين

السلام عليكم خواتي

انا اختي بسكن جامعة الامارات بالعين وتبا تاخذ الليسن هي عندها تصريح خروج بالعين والتصريح للتاكسي فقط

وقلنا تأخذه بالعين أفضل من ابوظبي لانه مابيكون في وقت

هي ماتعرف شي عن السواقة بيعني بتبدي من الصفر .. نبا نعرف هل التعليم يومي ؟ وكم ساعات؟ وكم التكاليف؟
ولو مكثف بعد كم ساعة بس اخاف يضيع من وقتها خاصة انها تدرس هناك

نصايحكم جزاكم الله خير

التعليم علي حسب مدربه يلي تعلمج وانتي بعد تحددين اذ تبنها يوميا او لا
انتي يوم تروحي لها لين المركز 100 التعلمج لمده ساعه يوم تييج لين عندج 150
شوفي جدول المدربه يلي تعلمج السواقه رتبي ويااها
والله يوفقج يا رب

اها اوكى بعد فتح الملف والفحص

انا اقدر احدد الموعد مع المدربة بيكون اسهل
طيب مافي ريايل لانه سمعت الحريم مايعرفون يدربون زين
يعني اقدر اتفق مع حد برع المدرسة صح

هيه بعد الفتح الملف والفحص
هب الكل حرمه باكستانيه دربه اختي وااااااااااااااايد اوك ^^ من اول مره خذت ليسن اختي
عادي بعد جان تبين رياال يدربج تقدرين من براا المدرسه شرات اخوج والا ابوج

الغالية أول شئ لازم تفتح الها ملف في المرور وتدفع 100 درهم

وبعدين أتسجل في مدرسة التعليم مكانها في الطوية مدتها 4 أيام

تختار الوقت إللي يناسبها الصبح أو المساء المدة ساعتين وتدفع

تقريباً 830 درهم .

وبعد ماتنجح من المدرسه أتروح مكان المرور وهناك بيعلمونها

على الرواس والبراكن أحسن من الحريم صدقيني مايعرفن

عن تجربه وبعدين بعد ماتنجح أتروح تتفق مع حرمة

حتى اتعلمها على الشارع لأنه المرور مايعلمون على الشارع

إلا إذا رسبت 3 مرات هم يعلمونهاا

وقيمة التعليم الساعه 100 درهم

بالتوفيق الغالية

ربي يوفقك

الغالية على راحتها أختج تقدر تحدد الموعد

إللي تريده مع المدربه ..

في البدايه الأحسن تتعلم في المرور أحسن

الهاا على طول بتنجح بعدين تتفق مع الحريم

تدرب على الشارع في مدراس لتعليم

السواقة تأخذ على الساعه 100 درهم

وتي الين عندها في البيت أو الجامعه