خواتي بنتي كملت شهر الحين و الكل يقوللي نظمي رضعاتها..و انا مو عارفة شقايل؟
يعني بنتي كل ما اتصيح ارضعها و ماعطيها شي غير حليبي ليل و انهار و ساعات نومها تتغير يوميا يعني مو كل يوم ترقد و اتقوم بنفس الاوقات..
اذا نومها مو منتظم شقايل انظم رضعاتها؟؟
و شي ثاني هي مرات ترضع و ترقد يعني ما تشيع و ترجع اتقوم مرة ثانية ترضع
مادري شقايل اتصرف انا ابي انظم الرضعات مابي بطنها يصير فيه غازات …او ترضع و اهي ما تبي…
من متى تعطون اليهال شاي ميلوبا و اشياء ثانية غير الحليب؟
انا اخاف على معدتها …ما تتحمل شي
بالنسبه لي انا اعطي ولدي وهو فالاربعين يانسون عسب بخفف عليه الغازات
بدون حليب صناعي
بدون اعشاب
بدون ينسون
بدون شاي
بدون لهاية
بدون ماي
بس رضعيها من صدرج في اي وقت تكون تبى رضعيها
مش لازم تسويلها جدول
اصلا هاي الفترة تكون فيها غازات والنوم غير منتظم
وعشان تخففين الغازات تقدرين تعطينها ( بونيسان ) من شركة هامالايا بتلقينه في الصيدليات
والدكاترة وايد يمدحونه …. حتى يقولون احسن عن انفاكول
وبقولج لو بتبحثين في المنتدى بكلمة انفاكول بتلاقين تجارب البنات
وكل حد ينصح شي غير عن الثاني وفيه بنات كاتبات انهن جربن كل شي وما فادهن
تراها هاي فترة ولازم نتحملها ونصبر وناخذ اجر من عند الله
وعلى فكرة بتلاقين واااااااااايد نصايح من اللي حوليج فلا تتضايقين
سوي اللي تقتنعين فيه واسألي ربج التوفيق والهداية
وفي نفس الوقت لاتدخلين مع اي حد في جدال وعيشي حياتج بسعاده
تراها فترة وبتعدي وبتكبر بنتج ان شاء الله وبتستانسين معاها وبتلعبين معاها
طولت عليج وايد بس لاني انا فكرت في الموضوع وايد وبحثت وايد وسمعت وايد وترددت وايد
وعطيتج الخلاصة
عطيتج افضل ما ينصح فيه الاطباء
والحمدلله هذا اللي انا اطبقه
بقولج شي اذا عانت بنتج من امساك شديد يستمر لايام طويلة او من غازات شديده
تقدرين تحطين شوي من الفازلين يوم بتلبسينها البامبرز
يعني عند الفتحة مباشرة
وبتلاحظين كيف الغازات تطلع بكمية كبيرة وملحوووووووووظة
وبالتوفيق 
واذا ما تبين تعطينها شي غير حليب صدرج فـ تأكدي من عقب كل رضعه انج تهضمينها
لازم تتهضم ولا بتتعب من الغازات ..
ثاني شي سويلها مساج في بطنها وريولها يوميا فترة المساء استخدمي زيت الزيتون ولازم يكون دافي
وسويلها مساج اكيد تعرفين الطريقه .. واذا بنتج تحسس من زيت الزيتون ( في وايدين يحسسون) استخدمي البيبي اويل العادي ..
ثالثا يوم بتين بترضعيها خلي القماط مفتوح او قمطيها بس لا ترصينه وايد عشان ما ترقد خليها واعيه
وهي ترضع عشان تشرب حليب زياده .. رضعيها من صدرج اليمين ربع ساعه وبعدين هضميها وبعدين مره ثانيه رضعيها من صدرج اليسار ربع ساعه وهضميها مره ثانيه .. وبعدين بدليلها بامبرز وقمطيها عدل وبتغوص بنتج في احلى نومه ..
