بنااات وحريم المنتدى دخيلكم فزعتكم اللي مرت بنفس حالتي تخبرني
انا ولله الحمد سبق لي الحمل من قبل و اجهضت في اخر الشهر الرابع و حملت بعدها مرتين ورزقني الله باحلى ولدين الله يحفظهم و يطعم كل محروم و محرومة
الحين انا حامل في الشهر الرابع ووايد عانيت من الوحام و الترجيع و طبعا مسوية عملية ربط للرحم (( اسويها في كل حمل لي )) لانه عنق الرحم قصير
المهم من يومين سرت لعيادة الدكتورة نادية بالصدفة وكنت بس رايحة عشان سالفة فيتامينات
المهم شيكتني وقالت لي انه مافي نبض في البيبي انصدمت لاني كنت قبلها بيوم احس بحركة
و قالت لي انتظر لين يوم السبت عسبة اتبطل لي الربط و بعدين نتريا لين يطيح بروحه او تسويلي تحاميل طلق (( كان هالكلام يوم الاربعاء ))
ماتطمنت وسرت مستشفى النور عند دكتور اسماعيل وقال لي نفس الكلام انه النبض توقف و انه الوفاة توها يعني مافي اي اعراض للتعفن و شيك كل شي و كل شي كان طبيعي ومافي اي تشوهاات
المهم ريلي قال لي سيري الكورنيش ثاني يوم عسبة تتاكدين و اذا الله ماكتب تتم هالحالة بملفج
سرت لهم ثاني يوم الظهر وقالولي نفس الكلام
و الدكتورة ماخلتني هناك الا تبطل لي الربط و بيني و بينكم اتوكلت على الله وفكيته
عطتني موعد بعد 10 ايام عسبة اذا ماياني طلق اراجعهم بيسوولي تحاميل للطلق و عقبها بيسوولي عملية تنظيف
الحمدلله على كل حال
بس سؤالي هو عسبة ارتاح سويت سيرج في جوجل وطلع حريم واايد مرن بحالتي وقالولهن ماشي نبض و بعدها بفترة يرد كل شي طبيعي
شو نصيحتكم لي
مابا استعيل وعقب تكون البيبي حية مع اني يوم سالت الدكتورة قالت لي خلاص مافي امل
وابصرااحة اللي بخاطري اكثر دعواتكم لي بالغيب
اذا الله كاتب ترى بترد عادي واذا لا ربي يرزقج بغيره يفرحكم
كل شي خيره من رب العالمين
اكثري من الاستغفار
