الفتة المصرية وصلت من هيومه مباشره وقبل العيد كل عام وانتم بخير

كل عام وانت بخير بمناسبه قدوم عيد الاضحى اعاده الله عليكم وعلى الامة الاسلامية بالخير والبركة والصحه

طبعا انا بعشق الفته قلت اسبق قبل العيد وذبح الأضحيه على شان تسونها بعد النحر وتدعون لى فى ظهر الغيب

الفتة المصريه

المقادير

الزياده والنقصان حسب عدد اللى حاياكلوا

انا استعملت كيلو نصف لحم غنم ( ضانى)

2 رغيف عيش مقمر او عيش شامى اللى متوافر عندك

5 كوب ارز

فصوص ثوم

معلقه صلصه

زبده صفراء او سمن بلدى

نصف كاس خل

ملح وفلفل اسمر وبصله متوسطه وحبهان ومستكه وورق لورا

الطريقه سهله جدا جدا

اول شيئ نجيب قدر فيه مويه يكفى لسلق اللحم ونضع البهار والبصله

ونغطيه ونتركه لغايه مايغلى اسقط اللحم واتركه يستوى

حانسوى الارز بالطريقه العاديه بتاعتنا

حانكسر الخبز فى صينيه

لو حاتستعملى العيش الشامى ( الابيض ) يبقى حمصيه تحت شوايه الفرن ( الجريل ) وبعدين تكسريه وممكن تضعى عليه معلقه زبد سايح بعد التحميص بيبقى طعمه رائع

حانطحن الثوم ونحمره فى معلقه السمن او الزبد

اول مايتحمر نضع عليه الخل ونتركه دقيقه واحده على النار ونرفعه ونتركه جانبا

حاناخذ معلقتين من الخل والثوم المحمر فى طاسه ونضع عليهم معلقه الصلصه وقليل من الملح وفلفل اسمر

زوديها بنصف كوب من المويه واتركيها تتسبك

نصب مرقه على العيش

ونفرش عليه الارز بتاعنا

نحمر اللحم يعنى يادوب لونه يتغير يعنى تشوحيه فى الزبد

نرش الارز بالخل والثوم

ونرص عليه اللحم

ونصب المرقه ونرش على الوجه فلفل اسمر

ونصب الصلصه

وكل عام وانتم بخير وعيد سعيد عليكم