جزيرة بوكيت التايلنديه تنفع للعوايل المحافظه او المحجبات

السلام عليكم ورحمة الله وبركاته
خواتي في الله
هل جزيرة بوكيت تنفع للعوائل المحافظه او بالاحرى للمحجبات وهل هناك خصوصيه في البرامج البحريه مثل جزيره جيمس بوند وبي بي وانا معي اطفال من سن 6 الى السن 12 لاني على حسب قراءتي انه يكثر فيها السواح الاجانب بغظ النظر عن منتجعاتها الجميله واللتي تستحق الزياره فارجوا منكن التوضيح لي حتى اتخذ قراري وبارك الله فيكن

عادي حبيبتي

التايلنديين تعودو ع العرب و المحجبات و المنقبات

حتى ما يصدون يشوفونهم بنظرات استغراب و جي ^^

و لانه المكان في الساحل فيعتبر مكان مترووووووووس اجانب و اللبس الفضيع ><

بس تقدرون تاجرولكم مركب خاص يوديكم رحله بحريه صيد او غوض ^^ او جوله في المراكب الصغيره و شي جتسكي و براشوت

الصراحه انا ركبت البراشوت في ماليزيا جزيرة بينق و كان روعه و اذكر بعباتي ^^ و الحياه حلوه

المكان حلو و الجو حار و الاغلب مشمس للرحلات

ورحله سعيده ان شاء الله

انا من راى تايلند بكبرها موب جزيرة معينة ما تنفع حق عوايل معاهم اطفال بسن عيالج خاصة 12 يفهمون اللى بيشوفونه سيرى ماليزيا انظف وشعبهم اغلبه مسلمين ومحترم وعن الجزر هناك جزيرة بينانج روعه ولانكاوى وعندج جنتنج بيستمتعون الصغارية من اللعب والتزلج مناك وعندج حديقة الفواكه واشياء وايده انا احب تايلند فقط للتسوق لا غير واحينه اسواق ماليزيا ما قصرت

الصراحة أنا يوم رحت بوكت ما ارتحت فيها كلها أجانب ومفاصيخ ومناظر الله لا يرويج ويوم رحنا جزيرة جمس بوند كانوا معانا أجانب بس قاعدين بلبس البحر
أنا براي ما تنفع للعوائل وخصوصا الاطفال

ما تنفع اختي انا سرت فيا عيالي واستحينا نيلس عالبحر حتى عيالي مستغربين ليش هالحريم مفاصيخ

ماليزيا احسن

بوكت لشخصين توهم أمعرسين أو رياييل كبار و الصغاريه ما ينفع إتودينهم هالمكان صح شعب تايلند مسالم ما يخصه في حد بس وايد شي سوالف شرب و مفاصيخ ليش إتشلين إثم غيري وجهتج عندج تركيا أو ماليزيا حتى لو سرتي بانكوك نفسها بس العاصمه شي سفاري و دريم وورلد بعد سناتر