حبيباتي ساعدوني"أنا أحبها لكن"؟؟

عندي ربيعه..(وصارت مرت أخوي) كانت علاقتي معاها رووووووووعه..
أخلاقها عاليه..
وأخوي الثاني متزوج أختها اللي أكبر منها

بس للأسف ربيعتي بعد ماتزوجها أخوي..
طلعت فضايحها..

أخوي الكبير سألني مره إنتي قلتي جيه(……)
قتله هيه بس كيف عرفت.؟؟

تخيلو المصيبه..قال إنه مرته خبرته

وأنا أصلا ما خبرت إلا ربيعتي..كيف وصل..؟
طلعت ربيعتي تخبر خواتها كل سالفه أقولها لها..

تخيلوا كانت تفشي أسراري وأنا ماأدري..!
المهم..أنا عصبت وتغير أسلوبي معاها شوي..

قلت ماشي غير أصارحها..
صارحتها بس ماشي فايده..قالت لا أنا ماخبرت حد
(يعني كيييييييييييف..!!!)
وراحت بيتهم وعصبت على خواتها..عرفت هالشي..
تخيلوا كيف بيكون موقفي مع أخواني..!
والله فشله..
طبعا قللت التواصل معاه لأنه ماشي فايده..كلامي كله ينتقل..
هي وااايد حساسه بس ماتعترف..لأني صارحتها قبل..
تحط فخاطرها بسرعه وتزعل..؟

حالياً..صارت مشكله بينا..كنا مسوين عزيمه..
وكانت موجوده..وصارت سالفه بينا..حسيت إنها زعلت..
وإعتذرت في نفس الوقت..
مع إنه الموضوع مايزعل بس أدريبها..حسااااااسه..

تخيلوا بعد أسبوع من العزيمه..طرشتلي مسج تقول:
أحس إنج متعمده تسوين هاي الحركه في العزيمه..

تخيلوا هي تعرف إني مب راعية هاي الحركات
أنا نسيت السالفه أصلا لأني اعتذرت..

أدريبها تبغيني أعتذر مليون مره لين ترضى..حضرتها..
للأسف إعتذرت..لأني مابغي مشاكل..

بعد يومين طرشتلي مسج تقول فيه:
"السموحه منج إنتي كنتي أعز وأغلى صديقاتي..إنتي تغيرتي وايد..إنتي مب هيه اللي أعرفها"

بصراحه أنا مب عارفه شو أرد عليها!!
أبغي علاقتي تكون رسميه معاها..مابغي مشاكل..
ربيعتي قالتلي طنشيها..هذا مب حل
أختي قالتلي صارحيها..بس بصراحه ماشي فايده

أبغي أقطع علاقتي فيها بس ماقدر لأنها مرت أخوي
لأنه فشيله فحقي رمستي تنتقل بين خواتها وبعضهم أنا مب حلوه علاقتي معاهم..