اشحالكن خواتيه الغاليات؟؟
لاحظت إنه واااااااايد مواضيع البنية تكتب فيه فاجأت ريلي وسويت له وحجزت له غرفة في الفندق..
وفي النهاية تكون كاتبة إنه كان خاطرها تعدل الحجرة بس ما قدرت..
فحبيت أفيدكن خواتيه..
تقدرين تتعاونين مع أي محل يعدل لج في الحجرة.. وتكونين مرمسة الريسيبشن ع أساس يعطونهم المفتاح ويعدلون لج الحجرة..
وشي بعض الفنادق انتي من تقولين لهم إنه عندكم حفلة يسوون لكم كيكة وعصاير وحركات دلع..
وبالنسبة لبنات بوظبي ودبي.. أعرف بنية تعدل لكم الحجرة مقابل مبلغ مادي يعتمد على الميزانية اللي انتو تحددونها..
يللا يا بنات.. كل وحدة فيكن تحجز وتعدل في الحجرة..
واللي عندها عيال.. تخليهم عند أمها أو أختها وتروح تتهنى وتدلع ريلها ولو ليوم واحد في السنة…
لا تخلين ريلج تلف عينه يمين ويسار.. أو يشل أي وحدة ويروح معاها الفندق..
لا تمين 24 ساعة تقولين وعيالي؟؟!!
كل وحدة تحجز لها عن طريق النت أو عن طريق التلفون.. ومثل ما خبرتكن
التزيين أهم شي في الموضوع
لأنه النظر يسبق كل شي
وصدقتي في كلمتج اهم شي التزيين …
وصدق والله.. واااااااايد بنات يغفلون عن هالنقطة..
يعني لو ع الحجز الريال يقدر يحجز ويودي حرمته وانتهت السالفة
أما يوم يكون شي تزيين وغيره ما بينسى هاليوم
خاصة لو كان التعديل فيه ورود طبيعية
والكل يعرف أثر الورد سواء على الحرمة أو الريال
بس المشكله حتى هو بيقول كله ولاعيالي…………مستحيل نروح بروحنا
