حركات رومنسيه للمخطوبين ووممكن يستفيد منها المتزوجين

يسعد مسااااااااكم جميعا ..

طبعا مبين من العنوان انها حركات
بس حركات شووووه ؟

حركات رومنسيه .. للمخطوبين ووممكن يستفيد منها المتزوجين بعد

واي وحده عندها اضافه يا ليت تفيدنا فيها

يللا نبدأ

— فكره للتعبير عن الحب بطريقه مبتكره

جيبي صندوق خشبي متوسط الحجم( ماينفع علبه) افتحيه وركبي مرايه في الغطا حق الصندوق

تكون على قد الغطا بالضبط_ واكتبي عليها من برا ( بآله الحرق ) او حتى بالقلم الفلومستر

(( اذا حبيت تعرف اغلى شي عندي او احلى نعمه اووو احلى وجه شفته))

او (( اهم شي بحياتي )) او اي تعبير مشابه ……….. افتح الصندوق

و لما يفتح الصندوق………..

راح يشوف بو الشباب نفسه في المرايه صح بيبلم شوي بس بيفهمهاااااااا

طبعا تكونين معبيه الصندوق ورد مجفف وحاطه هديه بسيطه مثل عطر او اي شي ثاني.

— فكره جديده للتعبير فيها شقاوه

ابي 5 او 10 دراهم

اطلبي منه بجلسه صفا هذا المبلغ

هو اكيد بيضحك

بيني له انك جاده

واطلبيه بدلع
اذا عطاج اياه شقيه وانتي عينك بعينه وتبتسمين

وعطيه نص وانتي نص

وقوليله يكتب لج اي شئ في خاطره وانتي اكتبي له

وانه هذا المبلغ راح تجمعونه

لما تجتمعون في بيت واحد

وبعدين فعلا .. حطيه في برواز ..

— نصيـــــحه … ازرعي نفسك بكل مكان ,,, بتقولين كيف ؟

انا اقولك :

يعني اول مره تركبين سيارته لازم تخلينها مناسبه حلوه

سوي له سي دي على ذوقك او مجموعه سيديات رومانس شرقي غربي كوكتيل قصيد

واكتبي تعليق على كل سي دي

— عشان يتذكرك على طووووووووووووول

يعني اهديه طقم للمكتب عشان يتذكرررررررك هناك

— اذا كان يحب الشعر

اهدي له ديوان لشاعر يعجبه وخلي وحده من القصايد اهداء مع كم كلمه في الصميم

بس لا تقدمي الهدايا دائما باسلوب واحد ..

— الرومنسيه حلوه في البدايه بعدين ابدي بحركات فيها خفه دم

يعني مثلا قدمي له هديه متعوب على تغليفها انواع اللزاق ومقص معلق عشان يقصها
وحطي سلاسل واقفال ومجموعه مفاتيح يجربها وانتي قدامه وميته ضحك
تعذيييييييييييب

وهذي افكار تصلح بس للمتزوجات

— اهديه شوكلاته يحبها في علبه كبيره مليانه من النوع مثلا :
ام اند امز او باونتي صغار جالكسي … اي شي يحبه حطيه بعلبه زجاجيه كبيره وارسليها عالمكتب اوووو باي طريقه حلوه واكتبي تعليق شقي..
بالانقلش مثل بليف مي اي ام موررر سويت

او صدقني انا الذ منها .. تقدر تجربني و تتاكد اليوم )

— غطاء الحب

هذا حلو لليله رومنسيه او بذكرى الزواج
ممكن تكتبين له رساله على الغطا السرير وتكون رومنسيه وفيها كلام
يجنن وجريء

خصوصا انو المساله فيها غطا!!!!!!!

والافضل يكون المفرش ابيض والكتابه بالاحمر مع مخدات حمرا بشكل قلوب

او ممكن مخده صغيره على شكل قلب احمر ممكن يكتب عليها ,,,بالغرا المسدس او بقلم فضي مثلا ,,, اي عباره حلوه وتوضع على السرير ،،،كمفاجئه !!

— حركه لتقديم الهديه

ممكن تخشيينها بصدرك او باي مكان بجسمك وتقولي له الهديه بالغرفه
لما تقرب بقولك قربت ولما تبعد بعدت وبكذا لحد ما يوصل للمكان وعقب انتو ادرى

— في يوم زواجك ممكن تجهزين قبلها بفتره صور جريئه لكي
بوضعيات مختلفه فيها اغراء باللبس والحركات .. تصورينها باستديو او اذا مو حابه
ممكن تصورين نفسك انتي وانتي وشطارتك عاد …
غلفيها بتغليفه بسيطه وشوفي رده الفعل كيف؟!!!!!!!

هديه غير متوقعه بس يبي لها جرائه وزوج متقبل .. للتجديد

وزي ماقلت اي وحده عندها اضافه يا ليت تفيدنا فيها