بغيت أسألكن.. مثلا فيه تاجره عندها حساب فالبنك..
وباعت بضاعتها لوحده من الزباين وطلبت من الزبونه تحط المبلغ فالحساب..
1)) كيف الزبونه تحط البيزات في حساب التاجره؟ يعني تسير بهم البنك ولا محل صرافه؟
2)) شو المعلومات اللازمه اللي التاجره تعطيها الزبونه عسب تحط البيزات فالبنك؟ يعني الاسم، رقم الحساب، …..الخ ؟؟
3)) كيف تعرف التاجره ان المبلغ وصل لحسابها؟ يعني يوصل لها مسج من البنك مثلا؟
4)) في بنوك تطرش مسج للعميل انه الراتب وصل لحسابه، وأنا مايوصل لي مسج.. كيف أقدر أشترك فالخدمه؟
5)) كيف يتم الايداع فالبنك لحسابي الشخصي؟ بمكينة الايداع، ولامقابلة حد من الموظفين ولا شو؟ وكيف يكون بمكينة الايداع؟
ياريت اللي تعرف ترد علي بلييييييز للأهميه…!!
وسوري عالأسئله والمغثه..!!
هو صح اني ادرس اقتصاد بس نسييت كل شي<<<خخخخخ
يعني نحن في الاقتصاد ناخذ هالاشياء بس نسيييت
يمكن اي وحدة من البنات تفديدج الغاليه
وتسلمييييييييييييييييييييييييييييييييييييييييييييي يييييييييييييييييييييييييييييييين
وينج انتي..؟
تسلمين الغاليه..
وان شاءالله البنات يفيدوني..
1)) كيف الزبونه تحط البيزات في حساب التاجره؟ يعني تسير بهم البنك ولا محل صرافه؟
ممكن تحول البيزات عن طريق البنك أو مكتب الصرافة
2)) شو المعلومات اللازمه اللي التاجره تعطيها الزبونه عسب تحط البيزات فالبنك؟ يعني رقم الحساب، الاسم، …..الخ ؟؟
المعلومات : 1 رقم الحساب , 2 الإسم بالكامل , 3 أسم البنك , 4 أي فرع , 5 في أي دولة ومدينة
3)) كيف تعرف التاجره ان المبلغ وصل لحسابها؟ يعني يوصل لها مسج من البنك مثلا؟
في بعض البنوك يكون عندها خدمة الرسائل النصية والبعض لا
4)) في بنوك تطرش مسج للعميل انه الراتب وصل لحسابه، اذا كان هالعميل مايوصله مسج.. كيف يشترك فالخدمه؟
في بعض البنوك يكون هناك إشتراك والبعض الآخر هذه الخدمة ببلاش
5)) كيف يتم الايداع فالبنك؟ بمقابلة حد من الموظفين ولا شو؟
يمكن الإيداع بعدة طرق :1 تحويل بالإنترنت , 2 خدمة الهاتف المباشر , 3 ايداع في مكاين الإيداع
4 عن طريق مكتب صرافة , 5 توجة للبنك والإيداع باليد في بنك التاجرة برقم حسابها ….
هذي بعض الأمور … إن شاء أكون قد أجبت على جميع الأسئلة ووفيتها حقها
انا شخصيا اتصل البنك و اسألهم وين اقرب مكينة ايداع من مكاني …و غالبا احصل
و اذا ما لقيت ثاني خيار يكون الانصاري للصرافه
يدخلون البيزات بس 20 درهم رسوم
و اخر شي يكون اني اطرش الدريول البنك يدخل البيزات على الكاونتر
و سلامت راسج
انا مره طلبت من وحده اغراض وعطتني اسمها بالكامل ورقم حسابها ومدينتها ورحت البنك وقلت لهم ابا احط بيزات في حساب وحده وعطيتهم بيانات البنت وعطوني وصل وبس وماخذوا مني غير المبلغ اللي بحطه في حساب البنت .2)) شو المعلومات اللازمه اللي التاجره تعطيها الزبونه عسب تحط البيزات فالبنك؟ يعني رقم الحساب، الاسم، …..الخ ؟؟
رقم الحساب .. اسم البنت .. المدينه .
3)) كيف تعرف التاجره ان المبلغ وصل لحسابها؟ يعني يوصل لها مسج من البنك مثلا؟
ما اعرف .
4)) في بنوك تطرش مسج للعميل انه الراتب وصل لحسابه، اذا كان هالعميل مايوصله مسج.. كيف يشترك فالخدمه؟
ما اعرف5)) كيف يتم الايداع فالبنك؟ بمقابلة حد من الموظفين ولا شو؟
هذا اللي اروم اساعدج حبوبة و هذا اهم شئ ههههههههههه
