حلا جلد النمر مع بعض الاضافات البسيطة جربوها وراح تحبونه أكيد

في البداية خواتي وللأمانة هالوصفة منقولة من منتدى ثاني بس أنا عدلت عليه شوية لأننا جربناه في البيت وغيرنا شوية من مقاديره والكل مدح فيه وشكله وايد كان يشهي.
وهالرمسة لأني البارحة كتبت طريقة الشاورما المنزلية وما أدري ليش كتبوا عند الوصفة منقول مع أني والله شاهد على كلامي ما نقلته من أي حد أو أي منتدى ثاني وهالشاورما نحن نسويه في البيت من تقريباً 8 سنوات ، وايد زعلت يوم شفت منقول حذال الوصفة!! بس ما عليه ^_^

مقادير الطبقة الأولى:
بسكويت اولكر ( حسب حجم القالب أو البايركس )
50 – 70 غرام زبدة
ماي ورد

مقادير الطبقة الثانية:
علبة قشطة
نصف علبة حليب محلى
بيضة واحدة
فانيليا
نصف كوب تمر
باكيت كريم كراميل

مقادير الطبقة الثالثة:
علبة قشطة
4 مربعات من جبنة كيري
3ملاعق حليب بودرة
ربع كوب سكر
نسكافيه أو بودرة الكاكاو

الطريقة :

الطبقه الاولى :-
بسكويت مطحون + زبده + شوية ماي ورد نخلطهم معاً ونبسطه في القالب

الطبقة الثانية:-
قشطه + حليب محلى نستله + بيضة و فانيليا + نصف كوب تمر ( 10حبات )+ باكيت كريم كراميل

نخلط الطبقة الثانية بالخلاط
ونضعها على الطبقة الأولى

وتدخل الفرن من تحت مدة ربع ساعة ومن فوق حتى تجمد

الطبقه الثالثة:-
علبة قشطة + 4كيري + 3ملاعق حليب بودرة + ربع كوب سكر

تحطين شي بسيط من هذه الخلطة على الوجه

والباجي تغمقينه بشوي نسكافيه او كاكاو بودره

وتنقطين على الوجه
وكل شوي تزيدين النسكافيه او الكاكاو وتشكلين في التنقيط مثل جلد النمر
مرة غامق ومرة فاتح ومرة كبيرة ومرة صغيرة

وتستعملين ملعقة صغيرة
في التنقيط
وبعدين تدخلينها الفرن

لاتولعين الفرن خليه على حرارتة بعد الطبقه الثانيه
ويوضع في الثلاجه حتى يبرد
وقطعيه وضعيه في قوالب ورقية

وبالعافية عليكم

منقول

سلمت الايادي بس لو كان فيه صور

مشكورة اختي على مرورج وبالنسبة للصور فأنا حاولت أنزلهم بس لأني يديدة في هالأمور فما قدرت بصراحة ما استوى. ما أعرف كيف أنزل الصور!!!!!!!!! ^_*

مشكورات على مروركن الجميل… ^ _ ^

تسلم ايدج الغالية

مشكوووره عالطريقه أختـــي