قبل ماابدا بطريقة الحلى حابه احكي لكم انه بحمد الله عملت جروب ع الفيس بوك بيشمل كل وصفاتي وكلها وصفات بفضل الله حلوة ومجربه وكمان الصبايا المشتركين كلهم بيشاركوا اتوقع مابقدر احط لكم رابط صفحتي فيكم تعملوا ع اسمي بحث ع الفيس بوك وانا ببعت لكم رابط الجروب وهو موجود بملف التعريف تبعي والي مابزبط معها ممكن تبعت لي رساله ع الخاص وانا ببعت لها الرابط وهاد اسمي بالفيس بوك اعملوا بس نسخ ولصق في البحث
حلى السنكرس ولا اروع من هيك
المقادير والطريقه
الطبقة الاولى
بسكوت اولكر مغطس بنسكافيه بنحط طبقتين بسكوت فوق بعض
بسكوت اولكر مغطس بنسكافيه بنحط طبقتين بسكوت فوق بعض
النسكافيه بدوب معلقه نسكافيه صغيره بشوية مي وبتغطسوا فيها البسكوت
الطبقة التانيه
كوب حليب ناشف
3 كوب ماء
3/4 كوب سكر
3 ملاعق كبيره نشا
بندوب الحليب على البارد وبنغليه ع النار وبس يقرب يخلي بنكون مندوبين النشا بشوية ميي وبنضيفهم عليهم وبنغلي لحد مايتماسك وبنضيفهم ع البسكوت
الطبقة الثالثه
ظرف دريم ويب
2 علبة قشطه
6 ملاعق كبيره زبدة الفول السوداني
بنعمل الكريمه بالطريقة العاديه الي بتكون مكتوبه ع الظرف والي هي انه ندوبها بربع فنجان صغير حليب وبنخلط كويس لحد مايصير الخليط كريمي وبنحط باقي المقادير وبنخلط لحد مايتجانس وبنضيفهم ع الطبقة الثانيه وبنحطهم بالثلاجه لحد مانجهز الطبقة الرابعه
الطبقة الرابعه
3 كوب حليب
2 ظرف كريم كراميل
3 ملاعق كبيره كاكاو
2 ملاعقة كبيره سكر
بنخلطهم سوا وبنغليهم ع النار وبنضيفهم ع الطبقة الثالثه
بنستنى عليهم يبردوا شوي بعدين بنحطهم بثلاجه لحد مايتجمد بدها تقرييا 12 ساعه يعني يفضل تعمليها قبل بليلة من التقديم وصحتين والف عافيه
ويسلموا ايدين مره خالي الغاليه ع هالطريقه وبتمنى من الجميع يدعوا انه رب العالمين يكرم اخوالي الاتنين بالذريه وربي يعطي كل محروم قولوا امين
