حملة قيام الليل نبي نبعد عنا الهم و الأحزان

بسم الله الرحمن الرحيم

بسم الله والصلاة والسلام على رسول الله سيدنا محمد وعلى آله وصحبه أجمعين أما بعد:

نحاول كثر ما نقدر انه مانطوف صلاة قيام الليل ..

او عالاقل مرتين او ثلاث في الاسبوع كبدايه حلوه

وبعدين نزيد ليما تصير عاده عندكم انه ما تتركونها ولا يوم ..

الحين بحطلكم كل التفاصيل حق طريقة قيام الليل

بسم الله نبدي ..

كلنا نعرف انه لصلاة قيام الليل فضل كبير و عظيم للمسلمين ..

وهي شاهدة ( لجفاء الجنب عن المضجع ) حينما دعونا ربنا خوفا وطمعا ..

قال تعالى …
( تتجافى جنوبهم عن المضاجع يدعون ربهم خوفا وطمعا ).

فما أعظم ان نقف في جوف الليل بين يدي الله متضرعين باكين … متذللين خاشعين … نناجي رينا ونستغفره من الذنوب التي اقترفناها في النهار … ندعوه ونتوسل اليه ان يرحمناا

فصلاة الليل من المستحبات والسنن المؤكد …

وقال صلى الله عليه وسلم : " من خَتم له بقيام الليل ..ثم مات فله الجنة "..؟!

وقت صلاة الليل:

ممكن ان تصليها بأي وقت من بعد صلاة العشاء الى قبل صلاة الفجر

ويفضل تأخيرها ..

طريقة صلاة قيام الليل بقولها اول شي بشكل عام وبعدها بقولكم اللي راح نسويه بالحمله :

صلاة قيام الليل تكون اما بصلاة ركعتين او 4 او 6 او 8 او 10 او 12 ركعه و بين كل ركعتين نقول التشهد و نسلم ..

ونختم صلاة قيام الليل بركعتين الشفع و ركعة الوتر

وبجذي نكون خلصنا

المهم ..

صلاة الركعتين اللي اول شي هذي مثل ماشرحتها قبل عاديه نفس صلاة الفجر .. تصلون ركعتين و بعدين التشهد و تسلمون و تردون تصلون لو تبون اكثر من 2 ..

بعدها تصلون ركعتين عاديين بنية انه بتصلون صلاة الشفع و اهيا ركعتين عاديه نفس صلاة الفجر .. بس يسمونها صلاة الشفع ..

لكن في اضافه احب اقولها انه من الافضل في هالركعتين تقرين:

في اول ركعه : سورة الاعلى "سبح اسم ربك الاعلى …. "

وفي ثاني ركعه: سورة الكافرون "قل يا ايها الكافرون…."

بس عادي لو تبون تقرون اي سور ثانيه .. لكن هذا اللي كان رسولنا الكريم عليه الصلاة والسلام يقرأه في صلاة الشفع ..

يبقى الحين عندنا خاتمة صلاة الليل واهيا ركعه وحده و يسمونها صلاة الوتر ..

وهذي الصلاة ركعه وحده يفضل انه نقرا فيها سورة الاخلاص مثل ما كان يسوي الرسول عليه الصلاة والسلام .. لكن فيها اختلاف شوي
انه بعد ما تقرين فاتحة الكتاب و سوره صغيره (يفضل الاخلاص) وتركعين بعد ما تقومين من الركوع تقولين دعاء يسمونه دعاء قنوت الوتر وهذا اهوه:

" اللهم أهدني فيمن هديت ، وعافني فيمن عافيت ، وتولني فيمن توليت ، وبارك لي فيما أعطيت ، وقني شر ما قضيت ، فإنك تقضي ولا

يقضى عليك ، إنه لا يذل من واليت ،[ ولا يعز من عاديت ] تباركت ربنا وتعاليت "

" اللهم إني أعوذ برضاك من سخطك وأعوذ بمعافاتك من عقوبتك ، وأعوذ بك منك لا أحصي ثناء عليك ، أنت كما أثنيت على نفسك "

" اللهم إياك نعبد ، ولك نُصلي ونسجد ، وإليك نسعى ونحفدُ ، نرجُو رحمتك ، ونخشى عذابك ، إن عذابك بالكافرين ملحق ، اللهم إنا

نستعينك ، ونستغفرك ، ونثني عليك الخير ، ولا نكفرك ، ونؤمن بك ونخضع لك ، ونخلع من يكفرك "

اللي مو حافظه الدعاء تقدر تمسكه وتقرا من ورقه عادي مافي اي اشكال .. بس طبعا يكون احسن لو الواحد يحفظه

بعد ما تقرين دعاء قنوت الوتر ممكن تقرين اي دعاء بخاطرك ..
وتتوسلين حق الله و تدعين اي شي تبينه كثر ما تبين ادعي وانتي واقفه

وبعدها تسجدين مرتين و تقولين الشهادتين و تسلمين

وبعد ما تسلميين تقولين هالدعاء

" سبحان الملك القدوس" ثلاث مرات وفي المره الثالثه نقول رب الملائكة والروح ونعلي صوتنا فيها

وبكذا تكونين خلصتي من صلاة قيام الليل ..

الحين بقولكم طريقة القيام اللي بنسويها احنا .. راح نختار 3 ركعات .. واللي حابه تزيد مافي مشكله .. والسبب اني اخترت 3 ركعات عشان اضمن اكبر عدد من البنات ياشركون معانا بالحمله لانه في بنات يمكن عندهم دوامات او ظروف الخ..

وممكن نصليها 3 ركعات بس .. يسمونهم (الشفع والوتر)

يعني ركعتين و نسلم (مثل صلاة الفجر عااااادي ومافيها اي زود بس يفضل تقرين السور اللي ذكرتها فوق او انتي اختاري اللي تبينه على راحتك)

و بعدها ركعة الوتر و نسلم (ولا تنسون الدعاء فيها)

ملاحظه: ممكن انه ماتقولون دعاء الوتر.. يعني بس تدعون اللي انتوا تبونه بعد ما تركعون وتقومون ادعو اي شي بخاطركم بدون دعاء الوتر )

و بعد ممكن تقرون في هالثلاث ركعات سورة البقره تقسمونها على ال3 ركعات

يعني لكم الحريه..

واللي تتعب واهيا واقفه ممكن تحط كرسي وراها عشان تقعد لو تعبت وعادي تكمل صلاتها مافي اي مشكله هالشي سأليين فيه ..

الحين

في شوي اضافات ودي ازيدها من عندي و انشالله بتكونون مأجورين فيها ..

حلو انه بعد ما تصلين وتخلصين قيام الليل تمسكين المصحف وتقرينة شوي لو صفحه وحده ..

وتمو اقرو قرأن ليما يأذن الفجر (الاذان الاول) بعدها ابدو ادعو كل اللي بخاطركم ابكووا و طلعو اللي في قلبكم كله لانه بهالوقت بين الاذان الاول والاقامه وقت استجابه انشالله ..

وبعدها عشان ترتاحوووون عدل عدل عدل صلو ركعتين سنه قبل الفير و صلو الفير و نامو .. وبتشوفون الراحه

وانشالله الله بيعطي كل واحد على قد نيته ..

اما اللي ماتقدر تسهر لي اذان الفجر .. ممكن تصلين قيام الليل قبل لا تنامين او مباشره بعد صلاة العشاء

تصلين 3 ركعات اللي قلنا عنهم

و تدعين شوي و لو تقرين اي شي من القران لو صفحه وحده او سوره وحده صغيره

و تنامين

و ممكن تقومين قبل اذان الفجر بفتره لو نص ساعه وتصلينها و بعدها تصلين الفجر و تنامين هم وايد حلوه هالطريقه

لكم الحريه في الاختيار

للاماانة …منقووول..