اكيد اغلبكن مستغربات من العنوان
بس صج حياتي ارؤؤع واحلى واجمل وانا بين ريليه وحريمه الثلاث
الله لايحرمني منهم ويخليهم ليه
وعسي السعاده ماتفارقناا
خؤاتيه قبل خمس سنوات يوم تقدم بعلي العزيز وخطبني انصدمت
ماتوقعت انه يتزوج مره ثانيه ع حرمته الى هي بنت عمته
ترددت بالبدايه اني اوافق عليه
لين ماياني اتصل من حرمته
قلت اكيد بتهاوشني وبتصارخ عليه
بس كان العكس رحبت فيني
وقالت انهاا راضيه فيني وفرحانه
واقنعتني اني اوافق
ارتحت بنسبه 50 بالميه ومن طرف هب مرتاحه من كلامي خواتيه
اونه لاتوافقين عليه
اكيد مرته بتوقف بحلجج وبتذلج ومادري شو
كلمني ابويه واقنعني ووافقت ع بعلي العزيز
تصدقون ان حرمته هي الى زهبت للعرس
انا بذاك الوقت كنت بمرحله الثانويه العامه فما تفيقت ازهب حق عمريه
بس كان بيني وبينها اتصال وتاخذ رايي ف الالوان والخربطاان
مر االوقت بسرعه وصار العرس
صحت صياح بليله العرس وقلتلهم خلاص مابي اتزؤج
ومارضيت اطلع للقاعه
تمن خواتيه وعماتي وخالاتي واماايه
وماشي فايده
كنت خايفه
دخلت عليه حرمه بعلي العزيز وتمت تسولف ويايه لين ماحسيت اني هديت وارتحت نفسيا وجسديا
مسكت ايدي ودخلتني للقااعه
يلست ع الكرسي وعقبهاا دخل المعرس
سلم عليه ويلس حذاليه
بهاللحظه غلبني دموعي وانا اشوف حرمته ترقص قدامه
حسيت اني نذله يوم سرقت منها ريلها
طلعنا من القاعه ورحنا للفندق واليوم الثاني سافرنا
تصدقون انها مافارقتني
اذا مادقت عليه انا ادق عليهاا ونتم بالساعاات نسوولف
كنا نخطط اننا نكمل ف الجامعه
تراهاا اكبر عني بسنتين وماعندها عيال
الموهيم مر ع زواجي ثلاث شهؤر وعشت فيهاا احلى عيشه
متفاهمه مع ضرتيه الى اشوفها مثل اختيه واكثر
كنا نقدم لبعض النصايح
قسمنا شغل البيت بيننا
عشنا ف بيت واحد جننا خوات
عمرنا مازعلنا من بعض
ويا اليوم الى حملنا انا وهي
تعبنا من الوحاام لدرجه ان بعلنا العزيز طلب اجازه وتم مقابلنا ينفذ طلباتنا
مرن الشهؤر مثل البرق
وربيت انا ويبت اول ولد وسميناه حمد وبعدها باسبؤع ربت ضرتي ويابت ولد وسميناه احمد
حمد واحمد كان بينهم شبهه لدرجه الى يشوفهم يحسبهم تؤم
وفي يوم من الايام جمعنا بعلنا العزيز واعلن انه يبي يعرس بالثالثه
انا هني انصدمت واما بالنسبه لحرمته بالعكس كان شي عادي عندها
يلست بروحي افكر وافكر
لو رفضت ماراح استفيد شي لانه غصبن عنيه بيعرس
رضيت بالامر الواقع وخطب بنت خالته الى كبري
.
.
.
اذا شفت تفاعلكم بنزلكم الجزء الثالث من قصتيه..
الله يبعد عنكم العين
قصتج صدق او منقوله ولا شو السالفه؟؟؟؟؟؟؟؟؟؟؟؟؟
حسيت انها خيال بس يصير هالشي فالواقع ..
كملي كملي بليزززززززززززززززززززززززززز …
عن نفسي نووووو ويييي ما ارضى 
ربي يحفظكم
و أهم شيء التعامل و انها عاملتج كأنج أختها و أنتي بالمثل .. بارك الله فيكن
و نتريا
