كنت اعاني من مشاكل تكيسات على المبياض والتهابات وعدم انتظام الدورةالشهرية ،، فرحت عند الدكتورة نوال الخالدي في مستشفى كوزموسيرج في بوظبي وقالت لي يبالج كورس علاج وعطتني ادوية ،، وبعد فترة حسيت بآلام شديدة في الصدر فرحت عند دكتورة شارما في نيو مديكل سنتر ، قالت لي انتي حامل ،، والله من الفرحة قعدت اصيح ،، وقالت لي سوي تحليل دم ،، وتعالي بعد يومين سوي تحليل ثاني ،،
بعد يومين اتصلت بها عشان النتايج قالت لي نسبة هرمون الحمل واايد نزلت عندج فالبيبي يا اما يكون ميت او الحمل خارج الرحم ،، بصراحه السما نزلت على راسي ،، وقعدت اصيييييييييييييح ،، قالت لي سوي صورة بس اقرب موعد عطوني يااااه واايد متأخر ،، فرحت عند دكتورة نوال مره ثانية وقالت لي في كيس جنين بس ما يبين النبض !! قالتلي يمكن عشان دورتج مش منتظمة فانتظري شوية ،، واني انا ست اسابيع فلازم انتظر شوية ،،
رحت سويت صورة مره ثانية عند شارما قالوا لي ما في نبض ،، بعده الجنين ما تكون بس في كيس للجنين ،، انتي الحين خمس اسابيع وست ايام فانتظري شوي ،، رحت مستشفى الكورنيش امس ،،الدكتورة قالتللي انتي ثمان اسابيع !!سووو لي صورة قالوا لي في كيس للجنين لكن ماشي نبض .gif "12 (15)")
بس خلينا نتأكد من نسبة الهرمون ،، سويت اليوم الصبح التحليل طلعت نسبته زايده من 7069 الى 1002تقريباً ،،انا الي اعرفه انه كل يومين تقريبا نسبة هرمون الحمل لازم تتضاعف يعني انا سويته يوم8/12 كان 7069 واليوم تاريخ 16/12 صار 1002 يعني زاد خلال 8 ايم بنسبة بيسسسسسسسسطه ،،
فردو علي هل هالشي طبيعي ،،
ومتى يبدأ قلب الجنين بالنبض لاني والله تعبت نفسياً شقد كنت انتظر هالبيبي بس ما اقول الا الحمد لله على كل حاااال ،،
في انتظار الرد ودعواتكم الطيبة
بس الله يتمم لج على خير
وربج قادر على كل شي
لي قيام وادعي واستغفري
والله يحفظه لج
ثاني شي…النبض اعتقد مايبين من الشهور الاولى.. انا تقريبا نص الثاني او الثالث سمعوني النبض
لانه فالبدايه البيبي بعده ماستوى يكون عباره عن نقطه
عن مواضيع التكيس هالامور تتعالج بس انتي لازم تصبرين وشي من العلاجات اتطول
وانشالله يااااااااااااااااااارب يثبت حملج ولاتنسين الدعااااااااااااااااء 
ام المر ،،انا الي حيرني رمسة الدكاترة كل وحده تقول لي انتي هالقد اسابيع ،، نوال تقول لي انتي سته ،، شارما تقول خمسة ،، الكورنيش قالو ثمانية ،، وانا راسي داير *_*
