انا اخاف من الربى لدرجه اني اقول مابعرس وها السبب
انا مخطوبه ويمكن قريب عرسي
بس بعض الايام اقول مابعرس لاني اخاف من الربى
واهلي يقولون مايعور ومادري شوه
بس احس يجذبون لان اجوف في المسلسلات وجيه
واخاف لدرجه اني بكنسل عن العرس وها سبب خوفي
وانا اريدكن تنصحني
بعدين سبحان الله وقت الولادة تنزل عليج قوة وصبر من رب العالمين ،، و الله سبحانه و تعالى ما يحمل الانسان فوق طاقته
لا تحاتين الغالية و لا تشغلين بالج فهالامور من الحين عرسي واستانسي ويوم يحين وقت الربى يصير خير
ولكن اذا تفكيرج عم على الناس عيل محد بيعرس وبتتوقف الذريه صح والا ؟
لا اتخافين .. شي حلو اتكونين ام … والجنه تحت اقدام الامهات ما قالها الرسول بدون قصد ..
الله يقوي قلبج ان شاء الله وايسر امورج ولا اتخافين
كنت مثلج رافضة الزواج لسبب الفكرة
لكن ما عليج الطب تقدم .. واحينه الوحدة ما تحس بشي من زود الأبار والمضادات الحيوية .. والمهدئات
طمني قلبج …. وتوكلي على الله في العرس والربى وكل شي يالغالية
بتقولين بسوي اللي علي و بستحمل عشان اشوف ولدي ف حضني
و شوفي اكيد تعرفين بنات اصغر عنج عرسوا و يابوا عيال
يعني هم يقدرون و انتي لا ؟؟
خلج ف فرحة زواجج الحين و لا تفكرين وايد ف الربى
كنت مابا أعــرس لأني أخااف من الربى بشكل غير طبيعي ..
كنت أقول حق ريلي .. عقب العرس بنتبنى ياهل لاني أخاف من الحمل والولادة
وسبحااااان الله عقب العـــرس كنت اضايج يوم يطوف شهر واكتشف اني مب حاامل!!
سبحان الله عقب العرس كل شي يتغير حتى احساسج هذا بيتغير وبتحنين للامومة وبتتمنين تحملين اليوم قبل بااجر
انا رووحي استغربت كيف شعوري هذا اتغير!! سبحانك ياارب
والحين ثقفت عمري وتميت اقرا عن الولادة وعن الحمل .. وما خليت شي ما قريـــته
عقب ما عرفت كل شي بالتفصيل احس عمري مستعدة للولادة الحمدلله
ومووول مب خااايفة لاني عندي ثقة بأن ربي بيسهل علي الولادة .. ان شاء الله
اهم شي تدعين ربج ييسر امورج ويسهل عليج
الله يتمم لج افراحج على خيـــر وانشوفج عروووس وعقب حامل ان شاء الله 
