خواتي عندي خدامه فلبينية للتنازل. عمرها 43 سنه. عندها شهادة في تمريض , من اربع شهور و نصف و هي عندي و خلاص ما أباها لعده أسباب بذكرهم.
عندي خدامه أندونيسيه شاطره في البيت و ها الفلبينية ما دانيها و دوم يتحرطمون ها سواتلي و ها سواتلي. و أنا موظفه دوامي فيه حسابات و ارقام و رواتب موظفيت مب فاضية ارجع من دوام و اسمع مشاكلهم لي ترفع ضغطي
سلبياتها
ما تعرف تطبخ و ما تحب المطبخ و تمد بوزها شبرين أدا علميتها أي طبخه و ما بتسويلج ياها و تعطيج مليون حجة ،من الآخر ما شئ مطبخ و ما شئ طبخة.
شاطره في التنظيف و الترتيب شرط توقفين عند رأسها أما إذا خليتيها بروحها تنظف لج الحمام في ساعة و تستهبل ،تشتغل أوكي لذا راعية البيت موجوده.
شهيتها كبيره و مب عاديه تأكل الأخضر و اليابس
إيجابياتها
تنفع حق اليهال و ها لي تباه ، تيود اليهال و تلعب وياهم و تهتم فيهم.
بل بل انجليزي لانها دارسه تمريض و تروم تساعد اليهال في واجباتهم
زاعقي صارخي أهزبي ما عندها مشكله تتحمل و بالها طويل ،
تنظيف البيت و المطبخ و الحمامات زينه بشرط توقفين على رأسها.
للامانه إذا انتي حرمه جالسه في البيت و محتاجه خدامه حق اليهال و التنظيف حياك أختي خدامتي تناسبج.
إذا انتي موظفه و تبين تعتمدين على وحده تطبخ أقولك سكري موضوعي خدامتي مووووول ما تنفعج.
نسيت أخبركم أنها تبا تشتغل سنتين و تسافر
و إذا تبين تكلمينها أو تجر بينها تواصلي ويأي ع الخاص
أي استفسار أنا حاضره.
التنازل ب8000
و راتبها 1000
أم سيف.
لآ إلهـ إلآِ آللـه ؤحدَهـْ لآ شِريَگ له
آسِتغفًرَ آللهَـ ؤ أتؤبَ إليِـهـ
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّم آمين .
