خلوا بنتي بالانتظار بكيجي ون بالمدرسه الحكوميه

السلام عليكم
سرت يوم الاحد اسجل بنتي بكيجي ون ما طاعوا خلوا انتظار وقالوا بنتصل عقب وبنخبرج ومن كلامهم ما بيقبلوا صحيح تاخرت بتسجيلها بس لظروف قويه
ويقولون اذا ما بتتسجل سجليها خاص والي مايروم ييلس عياله بالبيت ليش الحكومه فتحت مدارس حكوميه مب عسب عيالها يدرسون مب يقوللولهم سيروا خاص شو نحن وافدين الا بنت الدوله وجي يسوون الله يعين الوافدين عيل اذا نحن جي
انا ابا اسجلها بمدرسة التقوى بالعين اليحر ,شي مدرسين اجانب والكل مدحوا الحكومه ويقولون احسن من الخاص

شورن عليه شو اسوي

وسؤال الي درست عيالها بخاص استفادوا يعني خلصو كيجي ون يعرفون يكتبون ويقرون عربي وانجليزي
اباها تستفيد مب تسير صف اول ميح ما تعرف شي

سيري الوزاره انا جي سويت فيهم وغصبا عنهم يابولها كرسي وسجلوها ههههههههههه

بسير انا وريلي مشكوره اختي اول بنت لنا بداول وجي تلعوزنا ترا ما لنا خبره بهل السواف

الله يعينج اختي
نفس المشكلة وان شاءالله نلاقي كراسي لبناتنا

حسسوني ان تعدادنا وصل مليار الله يسامحهم

راجعي الوزارة والمنطقة التعليمية
وان ماشفتي نتيجة سريعة راجعي مجلس ابوظبي للتعليم وقوليلهم
بنكلم البث المباشر عشان نشوف حل للمشكلة
وان شاءالله ثاني يوم بيتصلون فيج هههههه

انا اقول ان شاءالله

انا ولدى مسجلتنه بس لظروف لازم انقله لروضه ثانيه
اذا تميتي ع راسهم بيسجلونها دام الروضة تخدم المنطقه
ولدى واعديني ان شااءالله الاسبوع الياي ان المنطقه بتتصرف لانه الروضتين بالمنطقه فل

مشكورات خواتي
ونن بعد بس مدرستين وللجنوبي والشمالي والف مسكن تخيلي والباجي خاص