شحالكم خواتي عساكم بخير .. بغيت تساعدوني بأفكاركم الحلوه
ريلي مسافر مع ربعه و بعد اسبوع بيرجع من السفر وكان مضايج يوم راح فحابه اسويله شي واراضيه يوم يرجع
يت فبالي فكره اني احجزله ليموزين اييبه من المطار لان هو راح مع ربيعه مب فسيارته فشو رايكم ؟؟
بيتضايق من هالشي ولا بينزعج عشان ربعه بيكونون معاه ؟؟!! ولا عادي ؟؟!!
وماعرف شو اسوي بعد وشو اخذله هديه ..
اتمنى تعطوني رايكم والقى منكم افكار حلوه تساعدني ..
والسموحه
سويله حفلة بسيطة و رومنسية في البيت و حطيله الأكلات اللي يحبها مع هدية بسيطة تعبر عن مشاعرج …
وإن شاء الله البنات بيفيدونج…
أنا من رايي تكونين في قمت الاناقه والجمال وحضري العشى أو الغدا
بس يكون شي حلو وغاوي ومرتب وغيري من حجرت النوم شوي
ولا تكلفين على عمرج وايد لانه بي تعبان ثاني يوم عزمي أهلج وأهله على الغدا بمناسبة رجوعه
فانتظار المزيد من الافكار
سويتها …وفي يوم الرجوع كنسلتها لانه قالو مب لومزين بتكون كامري او شي جيه
وانقهرت لاني كنت ابى لومزين
وقالولي اذا كنسلتيها بنرجع الفلوس وطبعا كل مره يعتذرون ويقلون نحن بنتصل فيج ولا اتصلو ولا رجعولي فلوسي
هي حركه حلوه ..وانا ابغي اسويها بس ما سافر
المشاركة الأصلية كتبت بواسطة أم كاكي 
سويتها …وفي يوم الرجوع كنسلتها لانه قالو مب لومزين بتكون كامري او شي جيه
وانقهرت لاني كنت ابى لومزين
وقالولي اذا كنسلتيها بنرجع الفلوس وطبعا كل مره يعتذرون ويقلون نحن بنتصل فيج ولا اتصلو ولا رجعولي فلوسي
هي حركه حلوه ..وانا ابغي اسويها بس ما سافر
هلا وغلا ام كاكي
انا بعد ابى اسويها لان حركه يديده وحلوه بس متردده
ناس يقولون لي اوكي وناس يقولون لا فماعرف للحين
مشكوره الغاليه على ردج الطيب
