شخبااااركم خوااااتي عساااكم بخير ,,,
عندي لكم أسئلة عن المدرسة و التدريس لأخواتي المعلمااات
أنا تعيين يديد ,, و في اشيا واايد ابا اعرفهاااا
اول شي ,,,
في اول يوووووم
كيف يكووون لقائي مع المديرة بحيث تاخذ عني فكرة حلوة ؟؟؟
شو تنصحوووني اسوي؟؟؟
و بالنسبة للمعلمات الي في المدرسة ,, انا من طبعي انا وااااايد خجوووولة و استحي (( الله يستر ))
مب عارفة كيف بتعاامل مع المعلمات ,, اتمنى اني اتعين في مدرسة اعرف فيها حد ,, عشان ما استحي
خوااتي شو تنصحووني اسوي ؟؟؟
و شو المفرووووض الي اسويه في ايامي الاولى ,,
و مشكووورين خوااتي
و بالتسبة للطلاب (( و هني الطامة الكبرى ))
شو اسوي اول ما ادخل عليهم ؟؟
و يارب يكونون بنااات ,, لأني ما اقدر اسيطر على الاولاد ,,
كيف اكسبهم من اول يووووم ؟؟ كيف اتصرف معاهم ؟؟
و شكرا جزيلا
اختي الغالية اول شي الف الف مبروك ع الوظيفة ربي يعطيك خيرها ويكفيك شرها يا رب
انا سالت نفس هالسؤال لمن تعينت والحمدلله الاجوبة كثير كثير فادتني بالتعامل مع المدرسات والطلبة وبحياتي المهنية والحمدلله احس نفسي الحين بعد سنوات الخبرة بنيت لي اساس حلو ببدايتي وانا ماشيه عليه للحين
بقتبس لك بعض الردود الي فادتني
حاولت اسوي اقتباس بس ما صار بسوي كوبي خخخخ
السلام عليكم ورحمة الله وبركاته
يا هلا يا ……..
الله يبارك لك في شغلك الجديد يا رب…و تسعدي فيه دوما…
بالنسبة لي…أنا أعمل في شركة…لذلك يمكن هي مختلفة عن المدرسة شوية…
رحت أول يوم و أنا خايفة…لابسة لبس بسيط و رقيق و يدل على شخصيتي…
طبعا لازم راح تلاقي حد متبرّع يعرفك على القسك…
بعد ما اتعرفت على كل الناس اللي معايا في القسم…و جاوبت اسئلتهم باقتضاب…لأني ما أعرفهم…و الإبتسامة ما فارقت وجهي أبدا أبدا…
رحت و قعدت على مكتبي…و سألت مديري على الشغل المطلوب مني…قعد معيا و وضح لي كل شيء…
و ظليت أسبوع كامل صامتة…بس أراقب الناس اللي حواليه…كيف يتكلموا و كيف يشربوا و كيف يتعاملوا مع بعض…بالتالي قدرت أكون صورة عن كل واحد..ساعدتني جدا في التعامل معاه…
طبعا في ناس اتخدعت فيهم…و في ناس حسبتهم أشرار و كانوا طيبين…كل هذا من العشرة…لكن الإنطباعات الأولى تدوم…
أهم شيء ما تتكلمي كتير…اسمعي كل شيء و استوعبي كل شيء حواليكي…علشان تتعرفي على الناس اللي معاكي…
– لا تخلي أحد يتميدير عليك.. يعني يستغللك ويخوفك ويتامر عليك ما عدا المسئو ل المباشر والمدير.
– لا تعطي أحد مجال أو فرصة يتدخل في خصوصياتك..
– خلي نفسك ضمن حدود لا تتجاوزيها ولا تسمحي لأحد يتجاوزها..
– الاحترام أجل الاحترام هو أساس التعامل حتى لو لقيت أحد ما يحترمك وانتي تحترمينه – مو تخافين منه- راح يستحي على وجه ويحترمك..
بعدين راح يستغلونها نقطه ضدك
وكذلك لاتكوني ممن يتميلحون عند الادارة بنقل كلام زميلاتهم لان ذلك
ينزل من قيمتك واحترام الادارة لك
واياك ان تكوني كا لمنشفه للمعلمات بمعنى اذا ودهم يطلعون مبكرين
يقولون لك روحي للمديرة وتوسطي لنا عندها عشان نطلع والمديرة تحبك
لاتصدقينهم تريهم يبونها تصير في وجهك يعني بتأخذ المديرة عنك فكرة
انك بس تبين تتهربين من الدوام وتصير تكره دخلتك عليها
حبيبتي أهم نصيحة عندي لج هي
1- اليقين أن الله يراقبج بكل عمل مو المديرة ولا التوجيه ولا المعلمة الأولى
2- وثاني شي واهو مهم بعد الانضباط بالعمل يعني ما تتأخرين الصبح ، بصراحة انا هالمقياس مهم عندي لأنج اذا تأخرتي بتنقلب موازينج كلها واتمين متضايقة طول الدوام بسبة بوز المديرة او مساعدتها
3- تسوين كل شغلج بوقته يعني لا تأجلين عمل اليوم للغد عشان ما ترتبكين وقت الرصد والدرجات
أتمنى أكون أفدتج ببعض النقاط وتمنياتي لج بدوام سعيد
لازم تكوني جريئة وتسألي عن كل شي ما تفهميه عشااان تتعلمي وعشان ما تكوني ضااااايعة بين المعلمات.
وايضا لازم تكوني حازمة مع الطالبات وبنفس الوقت مرحة وطيبة عشان يحبوووك بس ما تتفلسفي عليهن لانك لازم تتذكري انك كنت يوما ما بمكانهن وعانيتي ما عانيتي من المدرسات.
سألتيني عن اول يوم دوام ولكن اذا تبين عن العام كله فأنا حاضرة
اهم شيء الاخلاص لله اولا في العمل وتبرية الذمة
ان تراعي الله في طالباتك وقد يبلكي الله بمديرة لاتخافه وتظلمك فهل هذا يجعل همتك ونشاطك يقل ؟ لا ابدا لان عملك تحتسبين فيه الاجر من الله اولا لان اصعب مهنه واعظم مهنه التعليم
ثانيا بذل الاسباب التي تدعم مسيرتك التعليميه مثل الاطلاع والتطور
اما بالنسبه للمديرة فكما قلت لكي يعتمد ذلك على شخصيتها
فمنهن من تخاف الله وتعدل بين الجميع ومنهن من تظلم وتتأمر وتفرق بالمعامله ولكن لابد من بذل الاسباب
شو اللي يضايقكم ؟؟ بالنسبة لي النميمه وهي نقل كلام الزميلات للمديرة او من ينوب عنها, اهمال العمل وعدم الدقه وكثرة الاخطاء مثلا
وضع اسئلة خطأ لطالبات عدم الاهتمام بمتابعت الطالبات وتبليغ المشرفه
بالطالبات المميزات او الطالبات الكسولات او المشاغبات
عدم الاشراف على الطابور الصباحي عدم الاهتمام بالمناوبة والاشراف
عدم الرحمة والتعامل بقسوة مع بعض الطالبات (من لايرحم لايرحم)
التسرع بتخاذ بعض المواقف مثل معاقبة طالبه قد ينفع معها التشجيع
كثرة الاستأذان للخروج قبل نهاية الدوام كثرة الغياب
عدم الاهتمام بالتحضير اليومي
عدم التقيد بالزي المدرسي والتجمل الزايد عن حده وكأنها ذاهبه الي حفله
اما الذي يونسكم كمديرات ؟ كل ما هو ضدد للي فوق
اختي اناهيد:
احب شيء عندي في المعلمة ان تكون مؤدبه وعلى دين وتخاف الله بالطالبات
بالنسبة للتقدير يتم ذلك من خلال الاداء الوضيفي وذلك يعتمد على عدل ودقت المديرة وانا بالنسبة لي دقيقه جدا واضع جدول لكل عامله عندي وحتى لنفسي وهذا الجدول يومي متضمن للتالي:
الحضور صباحا ,حضور الطابور, الزي, الغياب,احضاردفتر التحضير في اليوم المحدد, كثرة الاستأذان , التعامل مع الادارة , حضور الحصص وهذا مهم
غير تسجيل الملاحظات من مشكلات وغيرة
اما المعلمة المستجدة فأحضر لها خلال الفصل الواحد اربع مرات
الاولى والثانية توجيه والثالثه والرابعه تقييم
وبعض المديرات تكتفي بواحدة واعتقد انه ظلم للمستجدة
اما القديمات مرتين في الفصل الدراسي الواحد
غير اني ادور اثناء الدوام واسوي قفشات وياكثر ماتنكشف لي المعلمة المنافقه او المهمله
اتمنى اني افدتكم
اضافه اخرى افضل معلمه ايضا من تستغل حصص الاحتياط للطالبات
بقراءة قصة من قصص الصحابيات او الصحابه او العلماء(امثال احمد بن حنبل, الشافعي , وغيرهم)
او كلمه دعويه
او توضيح مسأله فقهيه وممكن تستعين بكتاب
او تسمعهن شريط ديني وتطلب من كل واحدة ان تذكر فائدة منه
ولاتعلمين اختي مدى تحسن الطالبات من الناحيه الاخلاقيه اذا زرع لديهن
الوازع الديني
حبيبتي اخر نصيحة لك اول سنة ممكن تكون سنة استغلال للمعلم الجديد يعني اسوء الصفوف يعطوك واكثر نصاب وتنعطين كل شي فوق الطاقة
فعشان كذا حاولي تسألي عن كل صغيرة وكبيرة
النصاب يعني عدد حصص التدريس بالاسبوع ويختلف من مدرسة للثانية على حسب عدد المدرسات المتوفرين بالمدرسة
النشاط : بيعطونك نشاط تكوني مسؤولة عنه
مربية الفصل يعطوك صف تكوني مسؤولة عن كل شي فيه
احنا عندنا يا نشاط يا مربية فصل فما اعرف النظام بالامارات كيف
المناوبة يعطونك يوم تناوبي فيه على الطلبة
الاحتياط : اذا وحده غايبة يعطوك حصه عنها … استغلي حصص النشاط لفائدتك يعني تخلين الطالبات يساعدونج بشي معين حضري صححي الكتب استغلي الحصة
المدرسات انتبههههههههههههههي من المدرسات غرفة المدرسات عباره عن عالم تجتمع فيه معلمات من مختلفات البيئات
لا تعاملي المعلمات على اساس حكم مدرسات ثانيات لالالالالالالا تعاملي معاها على اساس تعاملها معاك
المدرسة مكان عمل وليس مكان للصداقات ……. وايد وايد وايد كوني رسمية ومبتسمة وكتووووووومة على خصوصياتك وبس
بالتوفيق
الصراااحة احس نصاايحج مهمة و عجبتني و لفتتني الى اشيااا وااايد مهمة
و الصراحة انا انصدمت من اشيا ذكرتيهاااا
هل معقوولة مدرسة (( تربوية )) تستغل زميلتهاااا لصالحها
الله يهديهن ياارب ,, و يعيننا
و سالفة المناوبة و النشاط و ني اكون مسئولة عن فصل احس من اول سنة واايد
ليش؟؟؟
لأني يادووب أدرس البنات و اعلمهم خااصة انان تخصصي تربية خاااااصة
فيحتاج التخصص مني بذل مجهوود كبير
الله يكون في العوووون
و بعدين النصاب للمعلمة الجديدة حرااام يكون واايد
نها تكون محتاجة وقت انها تطور نفسها و تكون محتاية تتعلم من اخطائها ,,
الله يكوون في العوون
مشكووورة الغالية عالنصايح الحلوة
فتحتي عيوني على سواالف
و اتمنى من باجي المعلمات اسذاء نصيحة لوجه الله
و شكرا جزيلا اختي ويعله في ميزان حسنااتج
المشاركة الأصلية كتبت بواسطة طموحي الجنة 
الصراااحة احس نصاايحج مهمة و عجبتني و لفتتني الى اشيااا وااايد مهمة
و الصراحة انا انصدمت من اشيا ذكرتيهاااا
هل معقوولة مدرسة (( تربوية )) تستغل زميلتهاااا لصالحها
الله يهديهن ياارب ,, و يعيننا
و سالفة المناوبة و النشاط و ني اكون مسئولة عن فصل احس من اول سنة واايد
ليش؟؟؟
لأني يادووب أدرس البنات و اعلمهم خااصة انان تخصصي تربية خاااااصة
فيحتاج التخصص مني بذل مجهوود كبير
الله يكون في العوووون
و بعدين النصاب للمعلمة الجديدة حرااام يكون واايد
نها تكون محتاجة وقت انها تطور نفسها و تكون محتاية تتعلم من اخطائها ,,
الله يكوون في العوون
مشكووورة الغالية عالنصايح الحلوة
فتحتي عيوني على سواالف
و اتمنى من باجي المعلمات اسذاء نصيحة لوجه الله
و شكرا جزيلا اختي ويعله في ميزان حسنااتج
إحنا للإسف المعلم عليه مناوبة + مربية صف او نشاط + نصاب ووايد اشياء
وعن سالفة استغلال الزميلات وااااااااااايد تستوي وايد وايد وانا اول وحده صارلي لاني يديدة ومب فاهمه ااي شي عطوني نصاب وايد ومربية فصل وماسكة نشاطين الكل يعطي وانا مب فاهمه وفوق جي دورة للمعلمين الجدد يعني كنت اموووووت وصل نصابي 30 وانا مب فاهمه وفوق هذا احتياط
الحين بعد ما فهمت السالفة لا النصاب ما يزيد عن 25 مستحيل اسكت والصفوف على كيفي اختار الي اباه امسك يا مربية صف او نشاط
واقولها لك بصراحة احنا كل ما نوزع شي الحين ومحد يباه نقول خلاص خلوه لليدد
يعني انتبهي زيييييييين لها السالفة
واهم شي من ها كله المديييييييييرة عامليها مثل ما تحبيينها تعاملج واي شي تقولج ما تسيرين تقولي للباقي ترى لو كلمة صغيرة ولو انتقاد صغير او ملاحظة ما بيقصرن فيج المعلمات
شوفي الغالية انا ما ابي انكد عليج واخوفج
لا اباج تكوني منتبهه وتعرفي شو لك وشو عليج
وابشرك معلم التربية الخاصة ما يعطونهم مول شي لا مربية صف ولا نشاط ولا اي شي لان شغلهم دسم هذا عندنا ما ادري عندكم كيف
اتبعي هالخطوات وبتفلحين
كوني بشوشة مبتسمة
انيقة ببساطة ما تبالغين انتي بمقر عمل مو استعراض
كوني قدورة حسنة للطبة
لا تجيبي طاري معلمة عند الثانية الا بالخيييييييييير ولو كنتي متضايقة من وحده او حد غلط عليك مووووووول لا تشتكين عند معلمة ثانية سيري البيت وطلعي الي بخاطرج عند اهلج بس مول لا تطعلينه قدام المعلمات
صدقيني كلمة تقوليها بنية صافية تنقلب عليج وتصير مشاكل
مره وانا باول سنة اتصلت فيني معلمة كانت بعد جديدة وبعمري وكله نقعد ويا بعض المهم اتصلتلي وتمت تسولف وتسولف ومن ضمن السوالف سألتني عن مستوى طالبه ندرسها انا وهي والطالبة امها مدرسة ويانا فقالتلي شلون مستوى فلانه وياج قلتلها زينة قالتلي ممتازة قلتلها لا ما توصل للامتياز وبس اليوم الثاني جتني ام الطالبة وهي مولعه نار انتي ليش قايلة بنتي ضعيفة بالدراسة اقولج العبره خنقتني ما قدرت ادافع عن روحي اونه انصدمت من ربيعتي ……. بس اكشتفت من هالموقف مكان الشغل شغل كل واحد يدور مصلحته ما شي ربيعتي ما ربيعتي
ما اقولج الكل سيء وزفت لا بس شوفيلك شلة متدينة ما تحب المشاكل وتمي وياهم منها كونتي زمالة ومنها استفدتي للدنيا ودينك
انا اتبعت هالشي بالدوام والحمدلله ماشية بحالي لا أاذي حد ولا حد يأذيني
لا تشدي ولا ترخي كوني وسط
والتدريس مهنه حلوة ورائئئئئئئئعة بس اهم شي تكوني بحالك وشغلك تسوينه اول بأول وبس
اتوقع كثير من الاخوااات رااح يتعلمون منهااا
يزاااج الله خير
و اسمحيلي اذ غثيتج
بس سؤال
اختي انتي وين تدرسين ؟؟؟
