ما أعرف من وين ابدأ …
صرااحة اريد اشكركن اول شيء لانكن ساعدتوني في تقسيم الزهبة …
وبعد اشكر خواتي اللي نزلن مواضيع تساعد في تجهيز الزهاب ومن وين …الخ
صراحة اريد اشكر الكل في المنتدى لانكن تساعدن العرايس الجدد ..
هالمرة اريد مشورتكن … اذا ممكن …
محتارة من وين ابدأ اشتري لزهبتي ….
خواتي يقولن لي …لا تشتري قطع للمخاوير والموديلات الحين لان بينزل شيء يديد بعدين… خاصة لان العرس بيكون في آخر شهر 6….
وفي حد يقولي لا تشتري المكياج من الحين ….
وفي بعد اللي يقول لا تفصلي العبي لان بينزلن موديلات يديدة وحلوة….
فمحتارة من وين ابدأ …. واريد ع الاقل أخلص اشياء .. لاني في اجازة ورايقة ..
واذا اجلت كل شيء لبعدين ما بتفيـّـج ..بيكون عندي جامعة وامتحانات وبروجكتات و….. الخ
فممكن تساعدوني … وما بنسى معروفكن وبدعيلكن بالخير يالغاليــــــــات…
HELP ME
اختكن الصغيروووووونة
مس فاشن 5
اتريا ردودكن لان في وااايد نفس حالتي… محتــــــــــاااااااارات
أول شي بالتوفيق ان شاء الله
والله يسعدج يارب
^_^
.
وبخصوص من وين تبدين
أنتي لا تحطين شي معين يعني حوطي وشوفي شوه يعبجبج
بس قطع الكنادير يستحسن من الحين توزعينهن عن الخياييط
لأنج ما بتخيطين 1 ولا 2 ^_^
.
أما المكياج والعطور وهالشغلات
خليها يوم يكون باقلج شهر أو 3 أسابيع
أحسن لج
^_^
هذا رأيي
ولج الحرية طبعا ً
وبالتوفيق حبوبه
ان شالله مابيقصرون بنات المنتدى
والسموحة
^^
والكل يقول لي جي .. حوطي وشوفي اللي يعيبج
و مسموحة ..
لأن الذهب كل مب ياي يغلا
وخذيلج بجايم وقمصان نوم
