اليوم رح يكون اخر موضوع الي بقسم الحلويات لفترة صغيرة لاني رح انشغل بموضوع جديد بقسم علاج السمنة والنحافة باين من عنوان القسم شو بدي اعمل ( حمية غذائية لمدة 13 يوم فما رح اقدر
اتابع معكم بهالفترة ( ولو انو صعب اني ماادخل المطبخ ……. كابوس هههههههههه)
المهم طولت عليكم انا اليوم حابة فرجيكم دونات عملتو عن طريق ماكينة الخاصة بالدونات وطلع يشهي وهلا بفرجيكم الصور وانتو احكمو
اول الشي المقادير :
1.12 كوب طحين منخول
12 معلقة صعيرة بيكنج بودر
1 معلقة طعام خميرة
12 كوب زيت
34 كوب سكر
بيضة
1 كوب حليب
1 معلقة صغيرة فانيلا
الطريقة سهلة اخلطة المواد السائلة في الخلاط وبعدين ضيفو المواد الجافة وحركو منيح حتى يندمجو مع بعض ويصيرو بهدا الشكل :
وهون صورة ماكينة الدونات لبدي استخدمها :
وهي حطيت فيها الخليط للنص تقريبا :
هلا انا حاولت اني اصورلكم مرحلة القلي بس كانت صعبة لان الماكينة لازم احملها بالايدتين بس هي بسيطة مجرد اني اكبسها متل الابرة وبتعملي دوائر الدونات وهي النتيجة :
وانا حضرت بحمام مائي شوكولا بني وشوكولا بيضا
وهلا شوفو كيف طلعو بعد التزيين :
شوفو كمان من جوا كتير طرية وهشة ومن برة مقرمشة والطعمة طييييييييييييييييييييييبة
وصحتين وعافية
جربوها ودعولي
ربي يعطيج العافيه
عيالي وايد يعجبهم الدونات بس مايطلع طري عندي خلاص راح اسوي مثل طريقتج ان شاء الله
بس اريد أعرف من وين أشتري المكينه
ماعندي نفس مالج؟
ماعندي نفس مالج؟
thanks alote
but you did not invite me
