انا من بنات العين ومشكلتي هي اني من انتقلت لبوظبي عشان وظيفة ريلي اليديده وانا فعلا حاسة بالوحده ………. عندي عيال في المدارس بس ملل وروتين رهييييييب …… فكرت اشترك في معهد او نادي لكن مب حلو تسيرين براسج جذي لا عندج ربيعة ولا حد تسولفين وياااه 
ما بقووول اني فاااااضية وما راي شي لااااااا بالعكس …. ريلي وعيالي ماليين علي وقتي لكن انا محتاجة بين فترة والثانيه اقابل ربيعاتي واغير جو وياهن …
يعني دوووم اودي عيالي المراكزعقب المدرسة واخليهم يلعبون واحيانا نتغدا هناك … لكن انا محتاجة اني اقضي وقت لنفسي … بروحي … يكون عندي ربيعات ارمسهن واظهر وياهن …. مادري فهمتن شو اقصد؟؟؟
واللي زاد من مللي انه عندي ياهل عمره 7 شهور الله يحفظه .. وكله وياي لاني ما احطة عند الخدم … ومب هاين علي احطه في حضانه
وانا مب موظفة يعني خاطري اسير الصبح مكان ساعتين او ثلاث اغير جو واتعرف عالناس … احيانا من الطفره اخذ سيارتي واسير الجمعية وايلس بالساعتين والثلاث ….
واللي مصبرني انه اختي مالجة وريلها وظيفته في بوظبي يمكن ييبها تسكن هني ….
منو شراتي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تعرفن مكان للسيدات ويكون فيه حضانه نحط الياهل فيها ؟؟؟؟؟؟؟؟؟؟؟؟؟؟؟
شو بتسوين هذا نصيبج
حاولي تتعرفين على بنات واتغيرين نمط حياتج
والله يوفقج
والله يكوون في عوووونج و يريح باااالج و يوفقج انتي و ريلج في وظيفته
المشاركة الأصلية كتبت بواسطة parwana 
والله يكوون في عوووونج و يريح باااالج و يوفقج انتي و ريلج في وظيفته
هلا ختيه كيف اشتركتي اريد اشترك والله من متى ادور نادي وفيه حضانه احط بنتي..
محد بيضايقج ولا شي .. والكورنيش رووووووعه الصبح يعدل النفسيه والمزاج
انا افكر اروحله بس لانه الكورنيش بعيد عني شوي
احنا حارمين نفسنا وعيالنا من الشمس والطبيعه ومخلين الاجانب يستمتعون هم وعيالهم في اجواء طبيعتنا
مب مصدقين محصلين شمس
المشاركة الأصلية كتبت بواسطة loole عادي فديتج اتودين لهم اظن صورة الجواز..وصورتين عاديات مالتج مال الجواز واتعبين معلوماتج..يكوون الافضل انج تتصلين فيهم..تدرين قبل حلاته انج تقدرين تشتركين بالشهر او اسبوعين او ثلاث اشهر..بس احين كل شي اتغير كاااامل حتى السستم..واحين اشتراك بس 6 شهوور او سنه اظن..وامغلين الاسعار
والسموحه..
