ربيعتي تغيرت علي 180 درجه :(

الصراحه ماعرفت وين اكتب موضوعي .. ولا كيف ابدا فيه .. بخبركم باختصار ..

ربيعتي تغيرت علي وااايد مع انها كانت اكثر عن ربيعتي كانت شرات اختي اشاورها وتشاورني اعاونها وتعاوني والله ما طلبت مني شي الا ولبيت لها ياه من خاااااااطري .. بس سبحان الله فجأه وبدون مقدمات عقب ما رديت من السفر حصلتها انسانه ثانيه … غير اللي عرفتها بهالسنين .. قلت يمكن عندها ضروف .. وبتيي تخبرني بحكم اني ربيعتها المقربه .. بس طالت المده .. وطااال استغرابي قلت الطلعات قلت المسجات والمكالمات والزيارات .. كلمتها بيوم وواجهتها بررت لي باشياء هب منطقيه ابدا ابدا واتهمتني باشياء وانا والله ما سويتها ولا قلتها ولا كنت اقصدها .. انا وحده نيتي صافيه ولله الحمدلله عمري ما كرهت ولا حقدت على حد ما بالكن لو كانت ربيعتي توام روحي .. حاولت وحاولت اصلح شفت ماشي فايده .. حسيتها مزاجيه .. وقت ما تباني بتييني ووقت ما تبغيني بتطنشني .. تذكرت ربيعاتها القبليات قلت فباالي يااااااااااااه كيف ما حطيت فبالي انها بتسويلي نفس الحركه وبتغير صداقتي شرات ما تغير ملابسها .. يااااالله اشكثر انا متضايقه ومجروحه .. منها .. لسنين كانت ربيعتي وفجأه ما صارت عندي ربيعه الوضع صار صعب ..الحمدلله عندي ربيعات بس هب كلوز شراتها اكيد انتو فاهمات عليه .. عندي خواتي ربي يخليهن لي يااارب بس غييير لما تكون عندج ربيعه صديقه صادقه اكثر عن اختج .. مب مصلحجيه وقت ما تبا اتييج ..