حبيت أشارككم رحلتي لماليزيا وبالصور ^-^
رتبنا مع الشرقية للعطلات على :
* حجز التذاكر على طيران الاتحاد
*حجز فندق برجايا في لنكاوي 3 أيام
*حجز فندق برجايا تايم اسكوير فكوالالمبور 7 أيام
رحلتنا كانت الساعه 2:45 من مطار بوظبي ولمدة 7 ساعات في تاريخ 27-7 يعني يووم ميلادي .gif "12 (74)")
وصلنا الساعه 3 بتوقيتهم واترينا طيارتنا الثانية اللي بتودينا لانكاوي ساعتين وكانت مدة الرحلة 50
دقيقة
هذي صور من الطيارة …
وصلنا المطار وركبنا عند تاكسي طيب ومحترم خذنا رقمه و وصلنا الفندق اتعشينا ورقدنا
اتصلنا بتكسينا وشلنا ودانا الشلالات …
ونشوف الناس تنزل هلكانه ونقولهم شو لقيتوا فوق يقولون ما قدرنا انكمل .gif "12 (85)")
نحن كملنا …
وأخيرن وصلنا
وبعد ما وصلنا بخمس دقايق نزل مطر كان الجو روعه والمطر كان يزيد ونحن مب شالين مظلات
اطرينا ننزل نركض تحت المطر بس ما حسينا بتعب من حلات الجو …
وبدلنا وسرنا عالم تحت الماء
وما كان يستحق الزيارة ….
اتعشينا ورجعنا الفندق لأنه الجزيرة بعد الساعه 6 هاديه وما فيها شي اتسويه
اليوم اللي عقبه سرنا البحر ولعبنا جت سكي
وركبنا البارشوت وكانت مغامرة تستحق التجربة
اتغدينا وسرنا السوق الصيني واتفقنا مع الشرقية يغير الفندق والمنطقة ويحجزلنا فبينانغ لأنه
كوالالمبور زحمه وحر
بالباجر طلعنا وسرنا مصنع الجلد وخذت شنط وسرنا مصنع الشوكولاته
وركبنا باص بيوصلنا بينانغ المفروض خلال 4 ساعات لكنه كان يوقف كل شوي وتمينا فالباص 7
ساعات و وصلنا فندق هايدرو ماجستيك الساعه 9 فليل
الصبح اتريقنا …
واتمشينا على الشاطئ
وسرنا حديقة الفواكه
فليل سرنا سوق يبطل من الساعه 8 المغرب وااايد حلو بس ما صورت .gif "12 (9)")
اليوم اللي عقبة نزلنا المدينه ندور بنك عشان نسحب فلوس لأنا مب
شالين بطايق السحب وهاي أكبر غلطه وكان عندهم اجازة يوم السبت و الاحد وكل شي مسكر وبعد
3 ساعات لقينا وستر يونيون واستلمنا الحوالة .gif "12 (26)")
رجعنا وسرنا رحلة بحرية لشاطئ القرود …
أول شي صدنا …
وعقب اتمشينا فالجزيرة وسولنا باربكيو
ولعبت بالبارشوت مره ثانيه
وكانت طيارتنا الساعه 9 عندنا وقت …
سرنا مصنع للقطع المرسومة باليد …
وسرنا حديقة الفراشات ….
وسرنا على طريق المطار مكان نسيت اسمه بس واايد حلو وفيه مكتب الحاكم
واتغدينا …
وانتهت رحلتنا فماليزيا الجميلة ^^
خاطري اسيرررررر
خباال المكان والجو روووعه
انشالله استانستواا
تسلمين عالصووور
عاشقة ولدي …
أشكركن على المرور ^^
