ريحة الكلوركس

بنات انا حامل اللهم صلي ع النبي بشهري السابع . . اليوم البشكارة ستعملت كلوركس في المطبخ وخنقتني ريحته . . وبنتي ما تحركت بعد ما شميت ريحة الكلوركس . . ترانيبموت من خوفي . .هل في خطر ع الجنين
شيجيب باجر واصبر شلون . . اغى موعد للسونار باسرع وقت
تكفون طمنوني

وهاي الغبيه ليش تستخدم هالكثر كلوروكس

حبيبتي ماعليها شر ان شاء الله ,…..الله يحفظها من كل شر

لاتحاتين ان شاء الله خير…

كلي قطعة بصل يمكن تتحرك..

طمنيني عليج

ان شاءالله باذن الله ماعليها اي شر

ذكري الله وتوكلي على الله وان شاءالله ماعليها خوف ><
وسيري باجر الدختر تطمني

تمي اقري عليها .. ماعليها شر إن شاء الله ..

ما عليكم شر ان شالله ..

الدكتورة قالت لي احسب حركة البيبي .. ان خلال 12 ساعة .. لازم احس بالحركة 10 مرات ..

جربي تحسبين .. واذا كانت الحركة اقل بوايد عن هالمعدل لاازم تروحين المستشفى ..

بس عشان ترتاحين .. باجر روحي العيادة وسوي تصوير للبيبي .. عشان تتاكدين ان كل شي تمام ..

وربي يحفظ لج جنينج .. ويقومج بالسلامة ..

مشكورات حبايب . . بعد صلاة ودعاء . . حسيت بحركة بنتي في بطني . .ولله الحمد .. قريت عليها وصليت ودعيت

للرفع