شحالكن ؟
عندي مشكله =(
انا مالجه من فتره واكلم ريلي بس المشكله انه ما يكلمني وايد ولا نسولف بس يتنشد عن احوالي وانا كله اكلمه احاول اسولف ==يمكن مل مني =(
انا اتضاااايق ابد ما يسوولف
كل ما ابغي اسولف احس انه مش وقت سوالف كله نتم ساكتين ونمل ونسكر
لانه كله هووه جدي ما يمزح
ماعرف كيف اتصرف وياه
بليز بنات اللي عندها حل تقووووول
ليش ما تحاولين تتعرفين عليه دام تحسين ان ما شي سواااالف
يعني تمي اسأليه اسأله عن دوامه هواياته شو يسوي في وقت فراااغه اذا يدخل النت شووو المواقع اللي يدخلها يعني شخص يديد تتعرفين عليه
ادري ان تحسن بعض الاوقات ان صعبه ومب عارفه كيف انا جربت هافتره وكنا العكس انا مب جديه بس خجوله وريلي راعي سوالف فكان يمل مني
وكنت احاول اقوول اي شي اسوولف اتعرف عليه اسأله
ادخلي معاااه في نقاشات حلوه اسأليه مثلا شو رايك في هالموووضوع .. واذا هوو جدي انتي خليج مرحه ووسووولفي معاه واذا ما فيه تجاوب اسأليه شو في شو في خاطره
والله يوووفقج ان شاء الله
حااولي تفتحين المواضيع الي يحب يتكلم فيها
اساليه عن شغله عن مشاريعه
وان شالله المالجات والمعرسات يفيدونج اكثررر
انا ريلي كان جي .. ايام الملجه ابد ما ايسولف وياي .. يعني اذا طول 10 دقايق وبس ..
حتى ما كان ايي ويقعد وياي مثل باجي المالجين .. نادر ما ايي ..
بس عقب العرس كل شي اتغير .. انتي بايدج اتغيرينه .. وان شاء الله يتعدل يارب
والله يسعدج
إسألييه شو سوا في الدوام اليوم
شو يحب من أكل ألوان رياضة لبس و جي و غيري شوي من أسلووبج يوم تسألين يعني لا تكوونيين مثل المحقق
إسأليه لو يحب السنما – قوليله ليش ما نسير الفلم الفلاني لأني سمعت يمدحوونه و عقب ناقشو الفلم
شوي شوي كل شي بيتغير
لأنه ما يعرفج فأكييد يستحي
بالتوفيق
